പഴയങ്ങാടി: പുതിയങ്ങാടി സുല്ത്താന് കനാല് പാലത്തില് ടിപ്പര് ലോറിയും ബൈക്കും കൂട്ടിയിടിച്ച് രണ്ടുപേര്ക്ക് ഗുരുതരമായി പരിക്കേറ്റു.
ബൈക്ക് യാത്രികരായ ചെറുതാഴം മണ്ടൂര് സ്വദേശികളായ ധീരജ്(19),വിനായക്(19) എന്നിവര്ക്കാണ് പരിക്കേറ്റത്. ഇന്നലെ വൈകുന്നേരമാണ് അപകടം. പുതിയങ്ങാടി ഭാഗത്ത് നിന്ന് വരികയായിരുന്ന ടിപ്പര് ലോറിയും പഴയങ്ങാടി ഭാഗത്ത് നിന്ന് വരികയായിരുന്ന ബൈക്കുമാണ് കൂട്ടിയിടിച്ചത്.
ടിപ്പര് ലോറി മറ്റൊരു വാഹനത്തെ മറികടക്കുന്നതിനിടെയായിരുന്നു അപകടം. ബൈക്ക് ഇടിച്ചിട്ട ഉടനെ ടിപ്പര് ലോറി ഡ്രൈവര് അപകട സ്ഥലത്തുനിന്ന് ഓടി രക്ഷപെട്ടു.ഇടിയുടെ ആഘാതത്തില് ബൈക്ക് പൂര്ണമായും തകര്ന്നു. പഴയങ്ങാടി പോലീസ് സ്ഥലത്ത് എത്തി പരിക്കേറ്റ ഇരുവരേയും ചെറുകുന്നിലെ സ്വകാര്യ ആശുപത്രിയില് പ്രവേശിപ്പിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു