ദോഹ: ഖത്തറില് നിന്ന് കോവിഡ് വാക്സിന് സ്വീകരിച്ചതിന് ശേഷം ആറുമാസത്തിനുള്ളില് തിരിച്ചെത്തുന്നവര്ക്ക് ഇനി ക്വാറന്റീന് വേണ്ട. നേരത്തേ ഇത് മൂന്നുമാസമായിരുന്നു. പൊതുജനാരോഗ്യമന്ത്രാലയം ഈ കാലയളവ് ആറുമാസമാക്കി നീട്ടി ക്വാറന്റീന് നയത്തില് മാറ്റംവരുത്തുകയായിരുന്നു. ഇന്ത്യയടക്കമുള്ള കോവിഡ് ഭീഷണി കൂടുതലുള്ള രാജ്യങ്ങളില് നിന്ന് വരുന്നവര്ക്ക് ഖത്തറില് ഏഴ്ദിവസം ഹോട്ടല് ക്വാറന്റീന് നിര്ബന്ധമാണ്. കോവിഡ് ഭീഷണി കുറവുള്ള രാജ്യങ്ങളുടെ പട്ടിക ഖത്തര് പുറത്തിറക്കുന്നുണ്ട്. സാഹചര്യങ്ങള് വിലയിരുത്തിയാണ് ഇത്തരത്തിലുള്ള ഗ്രീന് ലിസ്റ്റ് പുറത്തിറക്കുന്നത്. ഇൗ പട്ടികയില് ഇന്ത്യയടക്കമുള്ള രാജ്യങ്ങള് നിലവിലില്ല.ഈ രാജ്യക്കാര് ഖത്തറില് വരികയാണെങ്കില് അവര്ക്ക് ഏഴുദിവസം ഹോട്ടല് ക്വാറന്റീന് നിര്ബന്ധമാണ്. ആറാംദിനം കോവിഡ് പരിശോധന നടത്തി നെഗറ്റീവ് ആയാല് മാത്രമേ പുറത്തിറങ്ങാനാകൂവെന്നതാണ് നിലവിലെ ചട്ടം.
എന്നാല് ഖത്തറില് നിന്ന് കോവിഡ് വാക്സിന്െറ രണ്ട് ഡോസും സ്വീകരിച്ചുകഴിഞ്ഞവര്ക്ക് ഇതില് ഇളവുനല്കുകയാണ് ചെയ്യുന്നത്. ഇവര് കോവിഡ് പോസിറ്റീവായ രോഗികളുമായി സമ്ബര്ക്കം പുലര്ത്തിയാലും ക്വാറന്റീന് ആവശ്യമില്ല. എന്നാല് ഖത്തറിലെത്തുമ്ബോള് കോവിഡ്-19 നെഗറ്റീവ് സര്ട്ടിഫിക്കറ്റ് ഹാജരാക്കണം. മറ്റു രാജ്യങ്ങളില് നിന്ന് വാക്സിന് എടുത്തവര്ക്ക് നിലവിലെ ക്വാറന്റീന് ഇളവ് ലഭ്യമല്ല.
വാക്സിന് എടുത്താല് നാട്ടില് പോകാന് 14 ദിവസം കഴിയേണ്ടതില്ല. രണ്ടാംഡോസും സ്വീകരിച്ച ഉടന് തന്നെ പുറത്തുപോകാം. ഖത്തറില് നിന്ന് മാത്രം വാക്സിന് സ്വീകരിച്ചവര് രാജ്യത്തിന് പുറത്തുപോയി ആറുമാസത്തിനുള്ളില് തിരിച്ചെത്തിയാലാണ് ക്വാറന്റീന് ആവശ്യമില്ലാത്തത്. രണ്ടാംഡോസ് സ്വീകരിച്ച് 14 ദിവസത്തിന് ശേഷമുള്ള ആറുമാസമാണ് കണക്കാക്കുക. ആറുമാസത്തിന് ശേഷമാണ് തിരിച്ചെത്തുന്നതെങ്കിലും ക്വാറന്റീന് വേണം. ഒരാള് വാക്സിന് രണ്ട്ഡോസും സ്വീകരിച്ച് നാട്ടില് പോയി 14 ദിവസത്തിനുള്ളിലാണ് ഖത്തറിലേക്ക് തിരിച്ചുവരുന്നതെങ്കില് അയാള്ക്കും ക്വാറന്റീന് വേണം. രണ്ട് ഡോസും സ്വീകരിച്ച് രണ്ടാഴ്ച കഴിഞ്ഞാലാണ് ശരീരത്തില് രോഗപ്രതിരോധ ശേഷി രൂപപ്പെടുന്നത് എന്നതിനാലാണ് ഈ കാലയളവ്.
ഇത്തരത്തിലുള്ള മാതാപിതാക്കളുടെ കൂടെ വരുന്ന 16 വയസുവരെയുള്ള കുട്ടികളെ ഹോട്ടല് ക്വാറന്റീനിന്ന് ഒഴിവാക്കിയിട്ടുമുണ്ട്. ഖത്തറില് നിന്ന് കോവിഡ് വാക്സിന്െറ രണ്ടുഡോസും സ്വീകരിച്ച മാതാപിതാക്കള്െക്കാപ്പം ഖത്തറിലേക്ക് വരുന്ന കുട്ടികള്ക്കാണിത് ബാധകമാവുക. ഇവര്ക്ക് ഏഴ് ദിവസം ഹോം ക്വാറന്റീന് മതി. നിലവില് കുട്ടികള്ക്ക് വാക്സിന് നല്കുന്നില്ല. ഇതിനാലാണ് 16 വയസിന് താഴെയുള്ള ഇത്തരം കുട്ടികള്ക്കും ഹോട്ടല് ക്വാറന്റീന് ഒഴിവാക്കിയത്. എന്നാല് 16 വയസിനും 18 വയസിനും ഇടയില് പ്രായമുള്ള കുട്ടികള് മാതാപിതാക്കളോടൊപ്പം ഖത്തറിലേക്ക് വരികയാണെങ്കില് ഇവര് യാത്ര പുറ െപ്പടുന്നതിന് മുമ്ബ് 'വെല്കം ഹോം പാക്കേജ്' ബുക്ക് ചെയ്യുകയും നിലവില് വെബ്സൈറ്റിലുള്ള അതേ നടപടികള് സ്വീകരിക്കുകയും ചെയ്യണം. ഇക്കാര്യത്തില് മാതാപിതാക്കള് വാക്സിന് സ്വീകരിച്ചാലും ഇല്ലെങ്കിലും ഇതേ മാനദണ്ഡമാണ് പാലിക്കേണ്ടത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു