കല്പ്പറ്റ: വെള്ളാരംകുന്നില് ലോറി നിയന്ത്രണംവിട്ട് ഇടിച്ചുകയറി ബഹുനില കെട്ടിടം ഒരുവശത്തേക്ക് ചരിഞ്ഞു അപകടാവസ്ഥയിലായി. അപകടത്തില് ലോറി ഡ്രൈവര് പരിക്കേല്ക്കാതെ രക്ഷപെട്ടു. ഫയര്ഫോഴ്സ് എത്തിയാണ് ലോറിയില് കുടുങ്ങിയ ഡ്രൈവറെ പുറത്തെടുത്തത്.
പുലര്ച്ചെ നാലരയോടെയാണ് സംഭവം. ദേശീയപാതയോരത്ത വിന്ഡ് ഗേറ്റ് റസിഡന്സിയിലേക്കാണ് ലോറി ഇടിച്ചുകയറിയത്. ഇടിയുടെ ആഘാതത്തില് തറനില തകര്ന്ന കോണ്ക്രീറ്റ് കെട്ടിടം ഒരുവശത്തേക്ക് ചരിയുകയായിരുന്നു.
ഏതുനിമിഷവും നിലം പൊത്താവുന്ന അവസ്ഥയിലാണ് കെട്ടിടം നില്ക്കുന്നത്.അപകടത്തിന് ശേഷം കെട്ടിടം കൂടുതല് ചരിഞ്ഞിട്ടുണ്ടെന്നാണ് പ്രദേശവാസികള് പറയുന്നത്. ഉപയോഗിക്കാന് കഴിയാത്ത വിധം കെട്ടിടം അപകടാവസ്ഥയിലായെന്നാണ് വിലയിരുത്തല്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു