മയ്യില്: പെരുമാച്ചേരി പൊയ്യൂരില് കാട്ടുപന്നിയുടെ ആക്രമണ ത്തില് ബൈക്ക് യാത്രികന് ഉള്പ്പെടെ രണ്ട് പേര്ക്ക് പരിക്കേറ്റു.
ബൈക്ക് യാത്രികനായ കൊളച്ചേരി സ്വദേശി പ്രകാശന് (40), പൊയ്യൂര് സ്വദേശി ശശിധരന് (50) എന്നിവര്ക്കാണ് പരിക്കേറ്റത്. പ്രകാശനെ മംഗളൂരുവിലെ സ്വകാര്യ ആശുപത്രിയിലും ശശിധരനെ കണ്ണൂരിലെ സ്വകാര്യ ആശുപത്രിയിലും പ്രവേശിപ്പിച്ചു.
കഴിഞ്ഞ ദിവസം ഉച്ചയ്ക്ക് ഒന്നോടെയായിരുന്നു സംഭവം. റോഡരികിലൂടെ നടന്നു പോവുകയായിരുന്നു ശശിധരനെയാണ് കാട്ടുപന്നി ആദ്യം ആക്രമിച്ചത്.ഇയാള് സമീപത്തെ വീട്ടിലേക്ക് ഓടി രക്ഷപ്പെടുകയായിരുന്നു.
തുടര്ന്ന് ഇതുവഴി പോവുകയായിരുന്ന പ്രകാശന്റെ ബൈക്കില് പന്നി കുത്തുകയായിരുന്നു.
റോഡിലേക്ക് തെറിച്ച് വീണ് പരിക്കേറ്റ പ്രകാശനെയും ശശിധരനെയും നാട്ടുകാരാണ് ആശുപത്രിയിലെത്തിച്ചത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു