ഇരിട്ടി : ക്രൈസ്തവരുടെ ഏറ്റവും വലിയ ആഘോഷമായ ഈസ്റ്റര് ഞായറും വിശുദ്ധവാരവും ഉള്പ്പെടെയുള്ള ദിവസങ്ങള് തെരഞ്ഞെടുപ്പ് പ്രവര്ത്തനങ്ങള്ക്കും ട്രഷറി ഡ്യൂട്ടിക്കുമായി മാറ്റിവയ്ക്കണമെന്ന ബന്ധപ്പെട്ടവരുടെ നിര്ദേശങ്ങള് പിന്വലിക്കണമെന്ന് കത്തോലിക്കാകോണ്ഗ്രസ് തലശേരി അതിരൂപത കമ്മിറ്റി ആവശ്യപ്പെട്ടു.
ക്രൈസ്തവരെ സംബന്ധിച്ചിടത്തോളം ഏറെ പ്രാധാന്യമുള്ള ഈ ദിവസങ്ങളിലും അവധി അനുവദിക്കാതിരിക്കുന്നത് ആരാധനാസ്വാതന്ത്ര്യത്തിനുമേലുള്ള കടന്നുകയറ്റമാണ്. അടിയന്തര പ്രാധാന്യമുള്ള വകുപ്പുകള് അവശ്യസര്വീസ് ഡ്യൂട്ടി നല്കുമ്ബോള് ക്രൈസ്തവരുടെ ആരാധനാസ്വാതന്ത്ര്യം സംരക്ഷിക്കപ്പെടുന്നുണ്ടെന്ന് ഉറപ്പുവരുത്തണമെന്നും യോഗം ആവശ്യപ്പെട്ടു.ഫാ. മാത്യു ആശാരിപറമ്ബില്, അഡ്വ. ടോണി പുഞ്ചക്കുന്നേല്, ജോണി തോമസ് വടക്കേക്കര, ബേബി നെട്ടനാനി, ചാക്കോച്ചന് കാരാമയില്, ബെന്നി പുതിയാംപുറം എന്നിവര് പ്രസംഗിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു