തിരുവനന്തപുരം: വാളയാര് പെണ്കുട്ടികളുടെ അമ്മയ്ക്ക് പിന്തുണയുമായി നടന് ജോയ് മാത്യു. ധര്മ്മടത്ത് വോട്ടുണ്ടായിരുന്നെങ്കില് അത് വാളയാറിലെ അമ്മയ്ക്ക് തന്നെ നല്കുമെന്ന് ജോയ് മാത്യു വ്യക്തമാക്കി. ഫേസ്ബുക്ക് കുറിപ്പിലൂടെയായിരുന്നു താരത്തിന്റെ പ്രതികരണം.
നിയമസഭാ തെരഞ്ഞെടുപ്പില് ധര്മ്മടം ശ്രദ്ധയാകര്ഷിക്കുന്നത് ദുരധികാരവും നീതിബോധവും തമ്മിലുള്ള പോരാട്ടം എന്ന നിലയ്ക്കാണ്. അതുകൊണ്ടാണ് ധര്മ്മടത്തെ പോരാട്ടം കേരളീയ മനസ്സിന്റെ പ്രതിഫലനമായി മാറുന്നതെന്ന് ജോയ് മാത്യു പറഞ്ഞു.
അധികാരക്കൊതിമൂത്ത് എങ്ങനെയെങ്കിലും സ്ഥാനാര്ത്ഥിയാകാന് ചിലര് തല തന്നെ വെട്ടി കാഴ്ചവെക്കും. എന്നാല് മറ്റുചിലര് സ്വന്തം കുഞ്ഞുങ്ങളെ പീഡിപ്പിച്ചു കൊന്ന കൊലയാളികളെ സംരക്ഷിക്കാന് ശ്രമിച്ച ഉദ്യോഗസ്ഥരെ രക്ഷിക്കുന്ന ഭരണകൂടത്തിന്റെ നീതി നിഷേധത്തിനെതിരെയുള്ള പോരാട്ടമായും എടുക്കും.അവിടെയാണ് ശിരോമുണ്ഡനങ്ങള് മൂല്യവത്താകുന്നത്. വാളയാറിലെ അമ്മയെ പിന്തുണക്കേണ്ടത് ഓരോ മലയാളിയുടെയും കടമയായി മാറുന്നതും അതുകൊണ്ടാണ്. മത്സരങ്ങള് വിജയിക്കാന് വേണ്ടി മാത്രമുള്ളതല്ല. മറിച്ച് അവ പൊരുതുവാന് കൂടിയുള്ളതാണെന്ന് അദ്ദേഹം കൂട്ടിച്ചേര്ത്തു.
ഫേസ്ബുക്ക് കുറിപ്പിന്റെ പൂര്ണ്ണരൂപം:
ധര്മ്മാധര്മ്മങ്ങളുടെ ധര്മ്മടം
—————————-
നിയമസഭാതെരഞ്ഞെടുപ്പില് ധര്മ്മടം ശ്രദ്ധയാകര്ഷിക്കുന്നത് ദുരധികാരവും നീതിബോധവും തമ്മിലുള്ള പോരാട്ടം എന്ന നിലക്കാണ് . അത് കൊണ്ടാണ് ധര്മ്മടത്തെ പോരാട്ടം കേരളീയ മനസ്സിന്റെ പ്രതിഫലനമായി മാറുന്നത്. ശിരോമുണ്ഡനങ്ങള് പലതുണ്ട്. അധികാരക്കൊതിമൂത്ത് എങ്ങിനെയെങ്കിലും സ്ഥാനാര്ത്ഥിയാകാന് ചിലര് തല തന്നെ വെട്ടി കാഴ്ചവെക്കും. എന്നാല് മറ്റുചിലര് സ്വന്തം കുഞ്ഞുങ്ങളെ പീഡിപ്പിച്ചു കൊന്ന കൊലയാളികളെ സംരക്ഷിക്കാന് ശ്രമിച്ച ഉദ്യോഗസ്ഥരെ രക്ഷിക്കുന്ന ഭരണകൂടത്തിന്റെ നീതിനിഷേധത്തിനെതിരെയുള്ള പോരാട്ടമായും എടുക്കും. അവിടെയാണ് ശിരോമുണ്ഡനങ്ങള് മൂല്യവത്താകുന്നത് . വാളയാറിലെ അമ്മയെ പിന്തുണക്കേണ്ടത് ഓരോ മലയാളിയുടെയും കടമയായി മാറുന്നതും അതുകൊണ്ടാണ് .ഈ പോരാട്ടം ഏറ്റെടുക്കുബോള്
യു ഡി എഫിന്റെ മൂല്യബോധവും ധാര്മ്മികമായ ഉത്തരവാദിത്വവും ഞങ്ങള് ഉയര്ത്തിപ്പിടിക്കുന്നു എന്ന പ്രതീകാത്മകമായ നിലപാടാണു വ്യക്തമാകുന്നത് .
വാളയാറിലെ അമ്മയെ യു ഡി എഫ് പിന്തുണക്കും എന്ന് വിശ്വസിക്കാനാണ് എനിക്കിഷ്ടം .
വിജയിക്കാന് വേണ്ടി മാത്രമുള്ളതല്ല മത്സരങ്ങള് ,അവ പൊരുതുവാന് ഉള്ളത്കൂടിയാണ് .
ധര്മ്മടത്ത് എനിക്ക് വോട്ടുണ്ടായിരുന്നെങ്കില് അത് വാളയാറിലെ അമ്മക്ക് തന്നെ; സംശയമില്ല.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു