കണ്ണൂര്‍: ഉന്നതനേട്ടങ്ങള്‍ കരസ്ഥമാക്കിയ കണ്ണൂര്‍ ഹോളി ഫാമിലി ഇടവകയിലെ വ്യക്തികളെ കെസിവൈഎം കണ്ണൂര്‍ യൂണിറ്റിന്‍റെ ആഭിമുഖ്യത്തില്‍ ആദരിച്ചു. 2K21 എന്നപേരില്‍ നടത്തിയ പരിപാടി കണ്ണൂര്‍ മേയര്‍ ടി.ഒ. മോഹനന്‍ ഉദ്ഘാടനം ചെയ്തു. തലശേരി അതിരൂപത ചാന്‍സലര്‍ ഫാ. തോമസ് തെങ്ങുംപള്ളി അധ്യക്ഷത വഹിച്ചു.
കണ്ണൂര്‍ കോര്‍പറേഷന്‍ ആരോഗ്യകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ മാര്‍ട്ടിന്‍ ജോര്‍ജ്, തലശേരി അതിരൂപത പാസ്റ്ററല്‍ കൗണ്‍സില്‍ സെക്രട്ടറി ജോര്‍ജ് തയ്യില്‍, മാനേജ്മെന്‍റില്‍ പിഎച്ച്‌ഡി നേടിയ ഡോ.പി.വി. ജോസഫ് പനമറ്റത്തില്‍, ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഴ്‌ഡ് അക്കൗണ്ടന്‍റസ് ഓഫ് ഇന്ത്യ കണ്ണൂര്‍ ബ്രാഞ്ച് ചെയര്‍മാന്‍ റെജി പനന്താനത്ത്, ജില്ലാ ബോഡി ബില്‍ഡിംഗ്‌ ചാമ്ബ്യന്‍ഷിപ്പില്‍ മാസ്റ്റേഴ്സ് വിഭാഗം മിസ്റ്റര്‍ കണ്ണൂര്‍ ആയി തെരഞ്ഞെടുക്കപ്പെട്ട റോഹിന്‍ പാവക്കല്‍, സിഎ പരീക്ഷയില്‍ ഉന്നതവിജയം നേടിയ സാന്ദ്ര രാജു കൊന്നക്കല്‍ എന്നിവരെയാണ് ആദരിച്ചത്.
ആദരിക്കപ്പെടുന്നവരെ വികാരി ഫാ. മാത്യു ആശാരിപറമ്ബില്‍ പരിചയപ്പെടുത്തി. കെസിവൈഎം ഭാരവാഹികളായ കെ.അരുണ്‍ അയ്യമല, അല്‍നോ നീണ്ടുകുന്നേല്‍, മെല്‍വിന്‍ ജെയിംസ്, ഇടവക ട്രസ്റ്റി റെജി പയ്യന്പള്ളി എന്നിവര്‍ പ്രസംഗിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു