പയ്യാവൂര്‍: മടമ്ബം പികെഎം കോളജ് ഓഫ് എഡ്യൂക്കേഷനില്‍ നിന്ന് വിരമിക്കുന്ന ലൈബ്രേറിയന്‍ പി.ടി. ജോണിന് യാത്രയയപ്പ് നല്‍കി. ശ്രീകണ്ഠപുരം നഗരസഭാ ചെയര്‍പേഴ്സണ്‍ ഡോ. കെ.വി. ഫിലോമിന ഉദ്ഘാടനം ചെയ്തു. കോട്ടയം അതിരൂപത സഹായ മെത്രാന്‍ മാര്‍ ജോസഫ് പണ്ടാരശേരില്‍ അധ്യക്ഷത വഹിച്ചു.കോളജ് പ്രിന്‍സിപ്പല്‍ ഡോ. എന്‍.സി. ജെസി മുഖ്യ പ്രഭാഷണം നടത്തി. വാര്‍ഡ്‌ കൗണ്‍സിലര്‍ ബിജു പുതുശേരി, മോഡല്‍ സ്കൂള്‍ മുഖ്യാധ്യാപകന്‍ കെ. ബിനോയ്, വൈസ് പ്രിന്‍സിപ്പല്‍ ഡോ. പ്രശാന്ത് മാത്യൂ, സ്റ്റാഫ് അസോസിയേഷന്‍ സെക്രട്ടറി ഡോ.വീണ അപ്പുക്കുട്ടന്‍, അലുമ്നി അസോസിയേഷന്‍ പ്രസിഡന്‍റ് നിധിന്‍ നങ്ങോത്ത് എന്നിവര്‍ പ്രസംഗിച്ചു. തുടര്‍ന്ന് ലൈബ്രേറിയന്‍ പി.ടി. ജോണിന്‍റെ ഫോട്ടോ അനാഛാദനവും ഉപഹാര സമര്‍പ്പണവും നടന്നു. 2020-21 വര്‍ഷത്തെ ബെസ്റ്റ്‌ ലൈബ്രറി യൂസര്‍ അവാര്‍ഡ് മലയാള വിഭാഗത്തിലെ അധ്യാപക വിദ്യാര്‍ഥിനി ലയ കെ. ജോസിന് സമ്മാനിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു