ശ്രീകണ്ഠപുരം: ഇരിക്കൂര് നിയോജകമണ്ഡലം യുഡിഎഫ് സ്ഥാനാര്ഥിയായി സജീവ് ജോസഫിനെ പ്രഖ്യാപിച്ചതിനെതിരേ എ ഗ്രൂപ്പുകാരുടെ പ്രതിഷേധം തുടരുന്നു.
ഇന്ന് എ ഗ്രൂപ്പ് വിഭാഗം നേതാക്കള് ശ്രീകണ്ഠപുരത്ത് കണ്വന്ഷന് വിളിച്ചുചേര്ത്തിട്ടുണ്ട്. ഉച്ചകഴിഞ്ഞ് മൂന്നിന് ശ്രീകണ്ഠപുരം റോയല് ഹാളിലാണ് യോഗം. സോണി സെബാസ്റ്റ്യന്, പി.ടി. മാത്യു, മുഹമ്മദ് ബ്ലാത്തൂര്, ഡോ. കെ.വി. ഫിലോമിന എന്നിവരുള്പ്പെടെയുള്ള നേതാക്കളും നിയോജകമണ്ഡലത്തിലെ എ ഗ്രൂപ്പിന്റെ ബൂത്തുതലം മുതലുള്ള ഭാരവാഹികളും പങ്കെടുക്കും.നാളെ പേരാവൂരിലും 19ന് കണ്ണൂരിലും കണ്വന്ഷന് നടത്താനും തീരുമാനിച്ചിട്ടുണ്ട്. അതേസമയം അനുനയനീക്കങ്ങളുമായി യുഡിഎഫ് കണ്വീനര് എം.എം.ഹസനും സിറ്റിംഗ് എംഎല്എ കെ.സി.ജോസഫും ഇന്ന് കണ്ണൂരിലെത്തുന്നുണ്ട്.
സോണി സെബാസ്റ്റ്യനും മണ്ഡലത്തിലെ പ്രമുഖ എ ഗ്രൂപ്പ് നേതാക്കള്ക്കും കൂടുതല് ഉത്തരവാദിത്തമുള്ള പാര്ട്ടി ഭാരവാഹിത്വം നല്കി അനുനയിപ്പിക്കാനാണ് നീക്കം.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു