പല സംസ്ഥാനങ്ങളിലും ബി.ജെ.പിയെ പ്രതിരോധിക്കുന്നതിനായാണ് കോണ്‍ഗ്രസിനെ ജയിപ്പിച്ചത്. എന്നാല്‍, കോണ്‍ഗ്രസ് നേതാക്കള്‍ കൂട്ടത്തോെട ബി.ജെ.പിയിലേക്ക് പോയി. കോണ്‍ഗ്രസിനെ വിശ്വസിക്കാന്‍ കഴിയുന്ന സാഹചര്യമല്ല നിലനില്‍ക്കുന്നതെന്നും അദ്ദേഹം പറഞ്ഞു.
നിയമസഭ തെരഞ്ഞെടുപ്പില്‍ കേരളത്തിലെ ജനങ്ങള്‍ എല്‍.ഡി.എഫിനൊപ്പമാണ്.എല്‍.ഡി.എഫിന്‍റെ ജനപ്രീതിയില്‍ എതിരാളികള്‍ക്ക് ആശങ്കയുണ്ട്. അതിനാലാണ് ചില പ്രതീകങ്ങളെ ഉയര്‍ത്തികൊണ്ടുവരാന്‍ ശ്രമിക്കുന്നത്. കോണ്‍ഗ്രസ് ബി.ജെ.പിക്കെതിരായ പോരാട്ടമായി ഉയര്‍ത്തിക്കാണിക്കുന്നത് നേമത്തെയാണ്. എന്നാല്‍, കഴിഞ്ഞ തെരഞ്ഞെടുപ്പില്‍ നേമം നിയമസഭാ മണ്ഡലത്തില്‍ നഷ്ടമായ വോട്ടുകളെ കുറിച്ച്‌ കോണ്‍ഗ്രസ് ആദ്യം പറയണമെന്നും അദ്ദേഹം ആവശ്യപ്പെട്ടു.
കൃത്രിമമായി വാര്‍ത്തകള്‍ സൃഷ്ടിച്ച്‌ ചര്‍ച്ചകള്‍ വഴിതിരിച്ച്‌ വിടാനാണ് ശ്രമം. കോണ്‍ഗ്രസും ബി.ജെ.പിയും നേമത്ത് തെരഞ്ഞെടുപ്പില്‍ പരസ്പരം സഹകരിച്ചു. കേന്ദ്രസര്‍ക്കാര്‍ സ്ഥാപനങ്ങളില്‍ എട്ട് ലക്ഷത്തോളം ഒഴിവുകളില്‍ നിയമനം നടത്താനുണ്ട്. എന്നാല്‍, അതിനെ വിമര്‍ശിക്കാതെ പി.എസ്.സിയെ മാത്രമാണ് പ്രതിപക്ഷം വിമര്‍ശിക്കുന്നത്. ഇത് ഇരു പാര്‍ട്ടികളും തമ്മിലുള്ള ധാരണയുടെ ഭാഗമാണെന്നും അദ്ദേഹം പറഞ്ഞു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു