ഇരിട്ടി: യുഡിഎഫ് പ്രവര്‍ത്തകന്‍ യു.പി. സിനാന്‍റെ ദാരുണാന്ത്യത്തില്‍ അനുശോചനം രേഖപ്പെടുത്തുന്നതിനായി പര്യടന പരിപാടി നിര്‍ത്തിവച്ച്‌ സ്ഥാനാര്‍ഥി സണ്ണി ജോസഫ്.
ഇന്നലെ ചാവശേരിയില്‍ നടത്തുവാന്‍ തീരുമാനിച്ചിരുന്ന യുഡിഎഫ് സ്ഥാനാര്‍ഥിയുടെ പര്യടന പരിപാടിയ്ക്ക് സ്വീകരണം നല്‍കുന്നതിനായി പത്തൊമ്ബതാം മൈലില്‍ കൊടിതോരണങ്ങള്‍ സ്ഥാപിക്കുന്നതിനിടെ വൈദ്യുതാഘാതമേറ്റ് മരിച്ച എംഎസ്‌എഫ് ഇരിട്ടി നഗരസഭാ കമ്മിറ്റി ട്രഷറര്‍ യു.പി.സിനാന്‍റെ നിര്യാണം വലിയ നഷ്ടമാണ് പ്രസ്ഥാനത്തിനും നാടിനുമുണ്ടാക്കിയതെന്ന് സണ്ണി ജോസഫ് അനുശോചന സന്ദേശത്തില്‍ പറഞ്ഞു.വിലാപയാത്രയില്‍ സണ്ണി ജോസഫ് മുഴുവന്‍ സമയ പങ്കാളിയായിരുന്നു. ഉച്ചകഴിഞ്ഞു മൂന്നിന് വീട്ടിലെത്തിച്ച മൃതദേഹം ചാവശേരി മദ്രസഹാളില്‍ പൊതുദര്‍ശനത്തിനുശേഷം ചാവശേരി ഖബര്‍സ്ഥാനില്‍ കബറടക്കി. കെ.സുധാകരന്‍ എംപി, കെ.സി.വേണുഗോപാല്‍ എംപി, അബ്ദുള്‍ ഖാദര്‍ മൗലവി, അന്‍സാരി തില്ലങ്കേരി, അബ്ദുറഹ്മാന്‍ കല്ലായി തുടങ്ങിയവര്‍ അനുശോചനം രേഖപ്പെടുത്തി
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു