ആലുവ: സിമന്‍റ് ഗുഡ്സ് ഷെഡ് പ്രവര്‍ത്തനക്ഷമമായതോടെ ആലുവ റെയില്‍വേ സ്റ്റേഷന്‍ മേഖലയില്‍ പൊടിശല്യം രൂക്ഷമായി. ഗുഡ്സ് ട്രെയിനില്‍നിന്ന് സിമന്‍റ് ഇറക്കുമ്ബോഴാണ് പൊടിശല്യം. റെയില്‍വേ സ്റ്റേഷനില്‍ എത്തുന്ന യാത്രക്കാരും മുകളിലെ നടപ്പാലം വഴി നടന്നു പോകുന്നവരുമാണ് ഏറെ ബുദ്ധിമുട്ടുന്നത്. പരിസരവാസികള്‍ക്കും പൊടിശല്യമുണ്ട്.
ഗുഡ്സ് ഷെഡില്‍ സിമന്‍റ് ഇറക്കുന്നതും ലോറികളില്‍ കൊണ്ടുപോകുന്നതും വര്‍ഷങ്ങളായി സ്‌റ്റേഷനിലും പരിസരങ്ങളിലും പൊടിശല്യത്തിന് ഇടയാക്കുന്നു
ഇതിനെതിരെ പല പരാതികളും നല്‍കപ്പെട്ടെങ്കിലും അധികൃതര്‍ ഗൗനിച്ചിട്ടില്ല. സമീപത്തെ സിവില്‍ സ്റ്റേഷനിലെ ഓഫിസുകള്‍, എക്‌സൈസ് ഓഫിസുകള്‍, വ്യാപാര സ്ഥാപനങ്ങള്‍ എന്നിവക്കും ഗുഡ്സ് ഷെഡ് തലവേദനയാണ്.
ഇതിനെതിരെ മനുഷ്യവകാശ കമീഷന് മുന്നില്‍ നേരത്തേ തന്നെ പരാതിയുണ്ട്. ഇതുമായി ബന്ധപ്പെട്ട് കമീഷന് റെയില്‍വേ അധികൃതര്‍ നല്‍കിയ മറുപടിയില്‍ തെറ്റായ വിവരങ്ങളാണുള്ളതെന്ന് ആക്ഷേപമുണ്ട്. ഘട്ടം ഘട്ടമായി ഇറക്കണമെന്ന നിര്‍ദേശവും കളമശ്ശേരിക്ക് മാറ്റണമെന്ന നിര്‍ദേശവും വിവിധ സംഘടനകള്‍ നല്‍കിയ പരാതിയിലുണ്ട്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു