ഉളിക്കല്: അറബിയില് പശുക്കിടവ് കിണറ്റില്വീണ് ചത്തു. ഇന്നലെ ഉച്ചകഴിഞ്ഞ് മൂന്നോടെയായിരുന്നു 35 അടി താഴ്ചയുള്ള കിണറ്റില് പശുക്കിടാവ് വീണത്. പൊടിപാറയില് ബേബിയുടെ ഒന്നര വയസുള്ള കിടാവാണ് കിണറില് വീണത്. ഇരിട്ടി അഗ്നിരക്ഷാനിലയത്തിലെ സ്റ്റേഷന് ഓഫീസര് സി.പി. രാജേഷിന്റെ നിര്ദേശപ്രകാരം ഫയര് ഓഫീസര്മാരായ എ.ആദര്ശ്, എം.ജോതിഷ് എന്നിവര് കിണറിലിറങ്ങി വളരെ നേരത്തെ പരിശ്രമത്തിനൊടുവില് ചെളിയില് താഴ്ന്നുപോയ കിടാവിനെ നാട്ടുകാരുടെയും സിവില് ഡിഫന്സ് ടീമഗംങ്ങളുടെയും സഹായത്താല് പുറത്തെടുത്തു.അപ്പോഴേക്കും കിടാവ് ചത്തിരുന്നു. അസി. സ്റ്റേഷന് ഓഫീസര് ഫിലിപ്പ് മാത്യു , ഫയര് ഓഫീസര്മാരായ എന്.ജെ. അനു, ഷാനിഫ് , സഫീര് പൊയിലന്, ഹോംഗാര്ഡ്മാരായ പ്രഭാകരന്, ബെന്നി സേവ്യര് , ദിലീപ്, സിവില് ഡിഫന്സ് ഫോഴ്സ് ജീവനക്കാരായ നിധീഷ് , അരുണ് , ഡോളമി എന്നിവരും പ്രദേശവാസികളും പ്രവര്ത്തനത്തില് പങ്കു ചേര്ന്നു
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു