വര്‍ക്കല: വര്‍ക്കലയില്‍ യു.ഡി.എഫ് സ്ഥാനാര്‍ഥിയായ തനിക്കെതിരെ എല്‍.ഡി.എഫ് സ്ഥാനാര്‍ഥി വി. ജോയി കുപ്രചാരണം നടത്തുന്നെന്നും അന്വേഷിച്ച്‌ നടപടി സ്വീകരിക്കണമെന്നും ആവശ്യപ്പെട്ട് ബി.ആര്‍.എം. ഷെഫീര്‍ കലക്ടര്‍ക്ക് പരാതി നല്‍കി. തനിക്ക് വിതുരയില്‍ വലിയ വീടും പുരയിടവുമുണ്ടെന്നാണ് വ്യാജ പ്രചാരണം നടത്തുന്നത്. തെരഞ്ഞെടുപ്പ് പ്രചാരണ യോഗങ്ങളില്‍ വിതുരയിലുള്ള ഇരുനില വീടിെന്‍റ ചിത്രങ്ങളും വ്യാപകമായി പ്രചരിപ്പിക്കുന്നുണ്ട്. സോഷ്യല്‍ മീഡിയകളിലൂടെയും ഈ പ്രചാരണം എല്‍.ഡി.എഫ് സ്ഥാനാര്‍ഥിയും പ്രവര്‍ത്തകരും പ്രചരിപ്പിക്കുന്നുണ്ടെന്നും ഇത് തെരഞ്ഞെടുപ്പ് ചട്ടങ്ങളുടെ ലംഘനമാണെന്നുമാണ് പരാതിയില്‍ പറയുന്നത്.തനിക്ക് ഒരു സെന്‍റ് ഭൂമിയോ വീടോ ഇല്ലെന്നും ഇക്കാര്യം പത്രികയില്‍ വ്യക്തമാക്കിയിട്ടുണ്ടെന്നും വസ്തുത ഇതായിരിക്കെയാണ് എതിര്‍ സ്ഥാനാര്‍ഥി നുണ പ്രചരിപ്പിക്കുന്നതെന്നും പറയുന്നു. അദ്ദേഹത്തിന് വീടില്ലെന്ന പ്രചാരണം സഹതാപം നേടിയെടുക്കാനാണെന്നാണ് എല്‍.ഡി.എഫ് പറയുന്നത്.
എന്നാല്‍, എല്‍.ഡി.എഫ് പ്രചരിപ്പിക്കുന്ന വീടിെന്‍റ ചിത്രം ഷെഫീറിെന്‍റ ഭാര്യാ ഗൃഹത്തിന് സമീപത്തുള്ള വീടാണെന്നും തങ്ങള്‍ക്ക് ഷെഫീറുമായി ബന്ധമൊന്നുമില്ലെന്നും വീടിെന്‍റ ഉടമസ്ഥ പറയുന്നു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു