ബ്രിട്ടനെ മുള്‍മുനയിലാക്കി സ്​കൂള്‍ കുട്ടികളുടെ പറക്കുംതളിക ചിത്രം; പിടി വിടാതെ പ്രതിരോധ മന്ത്രാലയം

ഓഫറുകൾ അറിയാൻ ക്ലിക്ക് ചെയ്യൂ

ഞങ്ങളുടെ കസ്റ്റമർ കെയറുമായി ബന്ധപ്പെടൂ - Click on the photo

ലണ്ടന്‍: പതിറ്റാണ്ടുകള്‍ക്ക്​ മുമ്ബ്​ ഒരു പറ്റം സ്​കൂള്‍ വിദ്യാര്‍ഥികള്‍ മൈതാനത്ത്​ കളിക്കുന്നതിനിടെ കണ്ട കാഴ്​ച ക്രയോണുകളില്‍ ജീവനെടുത്തപ്പോള്‍ ശരിക്കും ഞെട്ടിയത്​ ബ്രിട്ടനും ഒപ്പം ലോകവും. ചെഷയറിലെ മാക്ക്​ള്‍സ്​ഫീല്‍ഡില്‍ അപ്​റ്റണ്‍ പ്രയറി സ്​കൂളിലാണ്​ 1977ല്‍ അത്യപൂര്‍വ ദൃശ്യവിരുന്ന്​ കുട്ടികള്‍ക്ക്​ ഭീതിയും ഒപ്പം കൗതുകവും നല്‍കിയത്​.

അന്യഗ്രഹ ജീവികളുടെതെന്ന്​ കരുതുന്ന പറക്കുംതളിക കണ്ടുവെന്ന്​ അധ്യാപകര്‍ക്കുമുന്നില്‍ വിദ്യാര്‍ഥികള്‍ കൂട്ടമായെത്തി പറയുന്നതോടെയായിരുന്നു​ തുടക്കം. ഉച്ചഭക്ഷണ ഇടവേളയില്‍ മരങ്ങള്‍ക്ക്​ തൊട്ടുമുകളില്‍ ഏതോ ബഹിരാകാശ പേടകം വന്ന്​ വട്ടംപറന്ന്​ മടങ്ങുകയായിരുന്നുവത്രെ.വിശ്വസിക്കാനാവാതെ കുട്ടികളെ പല സംഘങ്ങളായി മാറ്റിനിര്‍ത്തി അവര്‍ കണ്ടത്​ ചിത്രത്തില്‍ പകര്‍ത്താന്‍ അധ്യാപകന്‍ പറഞ്ഞ​ു. എല്ലാവരും വരച്ച്‌​ പൂര്‍ത്തിയായ ചിത്രങ്ങള്‍ ഒന്നിച്ച്‌​ കണ്ടപ്പോള്‍​ അധ്യാപകരുംാ ഞെട്ടി​. എല്ലാവരുടെ ചിത്രങ്ങളും ഏകദേശം ഒരുപോലെ.

യഥാര്‍ഥത്തില്‍ എന്തോ സംഭവിച്ചുവെന്ന്​ തോന്നല്‍ വന്നതോടെ ചിത്രങ്ങള്‍ പൊലീസിന്​ കൈമാറി. അവര്‍ പ്രതിരോധ മന്ത്രാലയത്തിനു കീഴിലെ അന്യഗ്രഹ ജീവി പഠന വിഭാഗത്തിനും. കേസ്​ ഏറ്റെടുത്ത്​ മന്ത്രാലയം അന്വേഷിച്ചുവെങ്കിലും കാര്യമായ തീര്‍പുണ്ടായില്ല. 'കളിമുറ്റത്തെ അടുത്ത കാഴ്ചകള്‍' എന്ന പേരില്‍ ഈ കേസ്​ പിന്നീട്​ അറിയപ്പെട്ടു.

2009ല്‍ ഷെഫീല്‍ഡ്​ ഹാലം യൂനിവേഴ്​സിറ്റിയിലെ ഡോ. ഡേവിഡ്​ ക്ലാര്‍ക്​ ഈ ചിത്രങ്ങള്‍ പിന്നീട്​ ഒരു പുസ്​തകത്തിലും ഉപയോഗിച്ചു.

പതിറ്റാണ്ടുകള്‍ പലത്​ പിന്നിട്ടുവെങ്കിലും 1977ല്‍ കുട്ടികള്‍ കണ്ട കാഴ്ച എന്താകുമെന്ന തീരാത്ത ആകാംക്ഷയിലാണ്​ ​ബ്രിട്ടന്‍.

Post a Comment

താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു

Previous Post Next Post
 കണ്ണൂരാൻ വാർത്ത | Kannooraan Vartha
 കണ്ണൂരാൻ വാർത്ത | Kannooraan Vartha