ചെറുപുഴ നരമ്പിൻ പാറയിൽ തീ പിടുത്തം

ചെറുപുഴ: ചെറുപുഴ പഞ്ചായത്തിൽപ്പെട്ട നരമ്പിൽ പാറയിൽ തീപിടുത്തം. ചെറുപുഴ സെൻറ് മേരീസ് ഫൊറോന ദേവാലയത്തിൻ്റെ ഉടമസ്ഥതയിലുള്ള സ്ഥലത്താണ് തീപിടുത്തമുണ്ടായത്. ഈ ഭാഗങ്ങളിൽ മദ്യപാനമുൾപ്പെടെയുള്ള സാമൂഹ്യ വിരുദ്ധ പ്രവർത്തനങ്ങൾ നടക്കുന്നതായി നാട്ടുകാർ പറയുന്നു. മദ്യപിച്ചതിന് ശേഷം മദ്യക്കുപ്പികൾ എറിഞ്ഞുടയ്ക്കുന്നതും ഉണങ്ങിയ പുല്ലുകൾക്ക് തീയിടുന്നതും  ഇവരുടെ വിനോദമാണ്. കഴിഞ്ഞ ദിവസമുണ്ടായ തീപിടുത്തവും ഇത്തരത്തിലാണെന്ന് കരുതുന്നു. പെരിങ്ങോത്തു നിന്നുമെത്തിയ അഗ്നി രക്ഷാ സേനയും നാട്ടുകാരും ചേർന്നാണ് തീ അണച്ചത്. ഇത്തരം സാമൂഹ്യ വിരുദ്ധ പ്രവർത്തനങ്ങൾക്കെതിരേ പ്രതിഷേധം ശക്തമായിരിക്കുകയാണ്.