കൂത്തുപറമ്ബ്: കൂത്തുപറമ്ബ് നിയോജക മണ്ഡലം ഇടതുമുന്നണി സ്ഥാനാര്‍ഥി കെ.പി മോഹനന്‍റെ തെരഞ്ഞെടുപ്പ് പ്രചാരണത്തിന് തുടക്കമായി. ഇന്നലെ കൂത്തുപറമ്ബിലും പാനൂരിലുമെത്തി വോട്ടഭ്യര്‍ഥന നടത്തി. സോഷ്യലിസ്റ്റ് നേതാവും മുന്‍ മന്ത്രിയുമായ പിതാവുമായ പി.ആര്‍ കുറുപ്പിന്‍റെ പുത്തൂരിലെ സ്മൃതി മണ്ഡപത്തില്‍ പുഷ്പാര്‍ച്ചന നടത്തിയ ശേഷമാണ് ് പ്രചരണത്തിന് തുടക്കം കുറിച്ചത്. കൂത്തുപറമ്ബ് ടൗണില്‍ നടന്ന പൊതു പര്യടനം സിപിഎം കൂത്തുപറമ്ബ് ഏരിയാ സെക്രട്ടറി കെ. ധനഞ്ജയന്‍ ഉദ്ഘാടനം ചെയ്തു. നേതാക്കളായ കെ.ഇ.കുഞ്ഞബ്ദുള്ള,എം. സുകുമാരന്‍,എന്‍. ബാലന്‍,രവീന്ദ്രന്‍ കുന്നോത്ത്, എ.ഒ. അഹമ്മദ് കുട്ടി, കെ. പി. യൂസഫ്, ശ്രീനിവാസന്‍ മാറോളി തുടങ്ങിയവരും സ്ഥാനാര്‍ഥിക്കൊപ്പം ഉണ്ടായിരുന്നു. പാനൂര്‍ ടൗണിലും സ്ഥാനാര്‍ഥി പര്യടനം നടത്തി.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു