: വ്യാപാരി വ്യവസായി ഏകോപന സമിതി കേളകം യൂണിറ്റില് നിന്ന് 16 എക്സിക്യൂട്ടിവ് അംഗങ്ങള് രാജിവച്ചു. ആകെ 26 ഭാരവാഹികളാണ് ഉണ്ടായിരുന്നത്. യൂണിറ്റ് ഭാരവാഹികള് സംഘടനാ വിരുദ്ധ പ്രവര്ത്തനങ്ങള് നടത്തി, യൂണിറ്റ് ഭാരവാഹി മേല്ഘടകങ്ങളെ വെല്ലുവിളിക്കുന്നു, ആഴ്ച കുറിയുമായി ബന്ധപ്പെട്ടു കണക്കുകള് അവതരിപ്പിച്ചില്ല തുടങ്ങിയ കാരണങ്ങളുന്നയിച്ചാണ് രാജിയെന്ന് അംഗങ്ങള് വാര്ത്താസമ്മേളനത്തില് അറിയിച്ചു.
ജില്ലാ വൈസ് പ്രസിഡന്റ് പാലോസ് കൊല്ലുവേലില്, മേഖലാ ജനറല് സെക്രട്ടറി എം.എസ്.തങ്കച്ചന്, എം.പി.ഈശ്വരപ്രസാദ് തുടങ്ങിയവരുള്പ്പെടെ 16 അംഗങ്ങളാണ് രാജിവച്ചത്.യൂണിറ്റ് പ്രസിഡന്റ് തന്നെ നേതൃത്വം നല്കുന്ന മേഖലാ കമ്മിറ്റിയുടെ പ്രവര്ത്തനങ്ങള് ജില്ലാ കമ്മിറ്റി വാക്കാല് മരവിപ്പിച്ചിട്ടുണ്ടെന്നും രാജിവച്ച അംഗങ്ങള് പറഞ്ഞു. സംസ്ഥാന, ജില്ലാ കമ്മിറ്റികള് എടുക്കുന്ന തീരുമാനങ്ങള്ക്കൊപ്പം നില്ക്കുമെന്നും ജില്ലാ കമ്മിറ്റിയുടെ ആഴ്ചകുറി ഉള്പ്പെടെ പ്രവര്ത്തനങ്ങള്ക്ക് പിന്തുണ നല്കുമെന്നും പുതിയ യൂണിറ്റ് രൂപവത്കരിക്കുന്നതുള്പ്പെടെ മറ്റു തീരുമാനങ്ങളൊന്നും എടുത്തിട്ടില്ലെന്നും രാജി നല്കിയവര് പറഞ്ഞു. എ.സുരേഷ് ബാബു, എം.സി.സിബിച്ചന് തുടങ്ങിയവരും വാര്ത്താസമ്മേളനത്തില് പങ്കെടുത്തു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു