കൊളക്കാട്: കൊളക്കാട് ടൗണിലെ മൂന്നോളം വ്യാപാര സ്ഥാപനങ്ങളില് മോഷണം. ഇന്നലെ പുലര്ച്ചെ ഒന്നോടെയാണ് സ്ഥാപനങ്ങളില് മോഷണം നടന്നത്. ടൗണിലെ ന്യൂ മലബാര് എന്റര്പ്രൈസസ്, ഫ്രണ്ട്സ് മൊബൈല്സ്, കള്ള് ഷാപ്പ് എന്നീ സ്ഥാപനങ്ങളിലാണ് മോഷണം നടന്നത്. ന്യൂ മലബാര് എന്റര്പ്രൈസസില് നിന്ന് 5000 രൂപയും ഫ്രണ്ട്സ് മൊബൈല്സ് ഷോപ്പില് നിന്നും നന്നാക്കാന് വാങ്ങിവച്ചിരുന്ന ഒരു മൊബൈല് ഫോണ്, മൊബൈല് ആക്സസറീസ്, കള്ള് ഷാപ്പില്നിന്നു രണ്ടു കുപ്പി കള്ളും ആണ് മോഷണം പോയത്.
ടൗണിലെ സിസിടിവി കാമറകള് മോഷ്ടാക്കള് തിരിച്ചു വച്ചിട്ടുണ്ട്.രണ്ടുപേരടങ്ങിയ സംഘമാണ് മോഷണത്തിന് പിന്നിലെന്ന് സിസിടിവിയില് വ്യക്തമാണ്. രണ്ടു വര്ഷത്തിനിടെ ഇതു മൂന്നാം തവണയാണ് കൊളക്കാട് ടൗണില് മോഷണം നടക്കുന്നത്. ആദ്യതവണ വ്യാപാര ഭവനിലും മറ്റ് വ്യാപാര സ്ഥാപനങ്ങളിലുമായിരുന്നു മോഷണം. രണ്ടാം തവണ ഇതേ മൊബൈല് ഷോപ്പില്നിന്ന് 40,000 രൂപയുടെ സാധനങ്ങള് മോഷ്ടിക്കുകയുണ്ടായി. തുടര്ച്ചയായ മോഷണങ്ങളില് കൊളക്കാട്ടെ വ്യാപാരികളും ദേശവാസികളും ആശങ്കയിലാണ്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു