കണ്ണൂരിലെ എസ്പിസിഎ (ജന്തുക്ഷേമ സൊസൈറ്റി) ഓഫീസ് ജില്ലാ പഞ്ചായത്ത് ഏറ്റെടുത്തതായി കാണിച്ച്‌ നോട്ടീസ് പതിച്ചത് സംബന്ധിച്ച വിഷയത്തില്‍ എസ്പിസിഎ ഭാരവാഹികളുടെ പരാതിയില്‍ ജില്ലാ പഞ്ചായത്ത് പ്രസിഡന്‍റ് പി.പി. ദിവ്യ, വൈസ് പ്രസിഡന്‍റ് ബിനോയ് കുര്യന്‍ എന്നിവര്‍ക്കെതിരേ ടൗണ്‍ പോലീസ് കേസെടുത്തു. ജില്ലാ പഞ്ചായത്ത് പ്രസിഡന്‍റ് പി.പി. ദിവ്യ, വൈസ് പ്രസിഡന്‍റ് ബിനോയ് കുര്യന്‍ എന്നിവര്‍ ഓഫീസില്‍ അതിക്രമിച്ചു കടക്കുകയും ജീവനക്കാരിയെ ബലം പ്രയോഗിച്ച്‌ പുറത്താക്കിയശേഷം താക്കോല്‍ക്കൂട്ടം എടുത്തുകൊണ്ടു പോകുകയും ചെയ്തെന്ന പരാതിയിലാണ് കേസ്.ജില്ലാ പഞ്ചായത്ത് പ്രസിഡന്‍റിനൊപ്പം എത്തിയ കണ്ണൂര്‍ ടൗണ്‍ സ്റ്റേഷന്‍ എസ്‌എച്ചഒയ്ക്കെതിരേയും നടപടിവേണമെന്ന് കാണിച്ച്‌ എസ്പിസിഎ ഭാരവാഹികള്‍ സിറ്റി പോലീസ് കമ്മീഷണര്‍ക്ക് പരാതി നല്‍കിയിട്ടുണ്ട്. കഴിഞ്ഞ വെള്ളിയാഴ്ചയായിരുന്നു ജില്ലാ പഞ്ചായത്ത് അധികൃതര്‍ എസ്പിസിഎ ഓഫീസ് ഏറ്റെടുത്തതായി കാണിച്ച്‌ നോട്ടീസ് പതിച്ചത്. ഏറ്റെടുക്കല്‍ തടയാന്‍ ശ്രമിച്ചതിന്‍റെ പേരില്‍ മേയര്‍ ടി.ഒ. മോഹനന്‍, എസ്പിസിഎ ഭാരവാഹികളായ വിനോദ് രാജ്, രത്നാകരന്‍, പ്രദീപന്‍ എസ്പിസിഎ ഓഫീസ് ജീവനക്കാരി പദ്മജ എന്നിവര്‍ക്കെതിരേ ജില്ലാ പഞ്ചായത്ത് പ്രസിഡന്‍റിന്‍റെ പരാതിയില്‍ നേരത്തെ കേസെടുത്തിരുന്നു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു