സജീവ് ജോസഫ്
ശ്രീകണ്ഠപുരം: ഇരിക്കൂര്‍ നിയോജകമണ്ഡലം യുഡിഎഫ് സ്ഥാനാര്‍ഥി സജീവ് ജോസഫിന് ചെങ്ങളായിയില്‍ സ്വീകരണം നല്‍കി. തേങ്ങ, നേന്ത്രപ്പഴം, മരച്ചീനി ഉള്‍പ്പെടെയുള്ള കാര്‍ഷിക വിളകള്‍ നല്‍കിയാണ് നാട്ടുകാര്‍ സ്ഥാനാര്‍ഥിയെ വരവേറ്റത്. പരിപ്പായിയില്‍ കെപിസിസി ജനറല്‍ സെക്രട്ടറി സജീവ് മാറോളിയാണ് പര്യടനം ഉദ്ഘാടനം ചെയ്തത്. ചെങ്ങളായി, മുങ്ങം, കോട്ടപ്പറമ്ബ്, മൊയാലം, തവറൂല്‍, കൊയ്യം, പാറക്കാടി , പെരുന്തലേരി, വളക്കൈ മദ്രസ, മണക്കാട്, തേര്‍തല, തേര്‍ളായി, വളക്കൈ ടൗണ്‍, അടിച്ചിക്കാമല, നിടുവാലൂര്‍, തട്ടേരി, പൊള്ളയാട്, കൂനം, കൊളത്തൂര്‍, വിളക്കന്നൂര്‍, കണ്ണാടിപ്പാറ, തോളൂര്‍, പയറ്റ്യാല്‍, തോപ്പിലായി, കാവിന്‍മൂല, ചുഴലി എന്നിവിടങ്ങളിലെ സ്വീകരണങ്ങള്‍ക്ക് ശേഷം ചാലില്‍വയലില്‍ സമാപിച്ചു.സമാപന പരിപാടി മുസ് ലിം ലീഗ് ജില്ലാ വൈസ് പ്രസിഡന്‍റ് എസ്. മുഹമ്മദ് ഉദ്ഘാടനം ചെയ്തു. പി.പി. ഖാദര്‍, ടി.എന്‍.എ. ഖാദര്‍, തോമസ് വെക്കത്താനം, ഡോ.കെ.വി. ഫിലോമിന, കൊയ്യം ജനാര്‍ദ്ദനന്‍, കെ.സി. വിജയന്‍ , ടി.സി. പ്രിയ, നൗഷാദ് ബ്ലാത്തൂര്‍, അഷ്റഫ്, സി. ദാമോദരന്‍, നസീമ, രാജേഷ് നമ്ബ്യാര്‍, സുനില്‍കുമാര്‍, ഐബിന്‍ ജേക്കബ്, ജംഷീര്‍, എം.ഒ. മാധവന്‍, അജ്മല്‍ ചുഴലി ടി.പി. ചന്ദ്രന്‍ എന്നിവര്‍ പങ്കെടുത്തു.
എഐസിസി നിരീക്ഷകരായ കവിത, അനീഷ് എന്നിവര്‍ വിവിധ കേന്ദ്രങ്ങളില്‍ നടന്ന സ്വീകരണത്തില്‍ പ്രസംഗിച്ചു. ഓശാന പ്രമാണിച്ച്‌ രാവിലെ പള്ളികളില്‍ പ്രാര്‍ഥനയില്‍ പങ്കെടുത്ത ശേഷമാണ് സജീവ് ജോസഫ് പ്രചാരണത്തിനിറങ്ങിയത്. ആദ്യം ഇടവക പള്ളിയായ ഉളിക്കലിലെ ഉണ്ണീശോ പള്ളിയിലും പിന്നീട് ഉളിക്കല്‍ ലത്തീന്‍ പള്ളി, നെല്ലിക്കാംപൊയില്‍ ഫെറോന പള്ളി എന്നിവിടങ്ങളിലെത്തിയ ശേഷമായിരുന്നു പ്രചാരണം.
സജി കുറ്റ്യാനിമറ്റം
ആലക്കോട്: ഇരിക്കൂര്‍ നിയോജക മണ്ഡലം സ്ഥാനാര്‍ഥി സജി കുറ്റ്യാനിമറ്റം രാവിലെ കരുവഞ്ചാല്‍ ചെറുപുഷ്പം ദേവാലയത്തില്‍ എത്തി വിശുദ്ധ കുര്‍ബാനയില്‍ പങ്കെടുത്ത് കുരുത്തോലയും വാങ്ങിയാണ് പൊതു പര്യടനം ആരംഭിച്ചത്. പര്യടനത്തിനിടയില്‍ മാവുംതട്ടിലെ പാറോത്തുംമല കണ്ണാ കുടുംബത്തില്‍ കെട്ടിയാടിയ ഉതിരാല ഭഗവതിയെ കണ്ട് അനുഗ്രഹം വാങ്ങി.
ആലക്കോട്, ഉദയഗിരി പഞ്ചായത്തുകളിലായിരുന്നു സ്വീകരണം. രാവിലെ ആലക്കോട് പഞ്ചായത്തിലെ പെരുനിലത്ത് നിന്നും ആരംഭിച്ച പര്യടനം നെല്ലിപ്പാറ, കപ്പണ, കാക്കടവ്, കുട്ടാപറമ്ബ്, കൊച്ചുകുട്ടാപറമ്ബ്, മാവും തട്ട്, ആനക്കുഴി, മൂരിക്കടവ്, ചീക്കാട്, നൂറേക്കര്‍, വെള്ളാട്ടുകൊല്ലി, മാമ്ബൊയില്‍ , ജയഗിരി, തുവരക്കാട് കോളനി, പരപ്പ, നെടുവോട്, രയരോം, തേര്‍ത്തല്ലി, പനംകുറ്റി, കഴുക്കല്‍, കക്കോട്, പെരിങ്ങാല, ചെറുപാറ എന്നിവിടങ്ങള്‍ സന്ദര്‍ശിച്ച്‌ ചുങ്കസ്ഥാനത്ത് സമാപിച്ചു.
സ്വീകരണ കേന്ദ്രങ്ങളില്‍ എം. കരുണാകരന്‍, പി.വി. ബാബുരാജ്, കെ.എസ്. ചന്ദ്രശേഖരന്‍, എന്‍.എം. രാജു, സാജു സേവ്യര്‍, എം.വിബിന, കെ.ടി. സുരേഷ്കുമാര്‍, ബിജു പുതുക്കള്ളില്‍, ഡെന്നീസ് വാഴപ്പള്ളില്‍, രാജു ചെറിയന്‍കാല, വി.ജി. സോമന്‍, വി.ജി. ചന്ദ്രന്‍ എന്നിവര്‍ പ്രസംഗിച്ചു.
സതീശന്‍ പാച്ചേനി
കണ്ണൂര്‍: യുഡിഎഫ് സ്ഥാനാര്‍ഥി സതീശന്‍ പാച്ചേനി വിവിധ കുടുംബയോഗങ്ങളില്‍ പങ്കെടുത്താണ് കഴിഞ്ഞ ദിവസം പ്രചാരണ പരിപാടി കൊഴുപ്പിച്ചത്. രാവിലെ വിവിധ സ്ഥലങ്ങളിലും വ്യക്തികളെയും സന്ദര്‍ശിച്ച്‌ തുടങ്ങിയ പരിപാടിയില്‍ 9.30 ഓടെ പ്രസ് ക്ലബില്‍ എഐസിസി ജനറല്‍ സെക്രട്ടറി കെ.സി.വേണുഗോപാലുമൊന്നിച്ച്‌ മീറ്റ് ദ പ്രസില്‍ പങ്കെടുത്തു. തുടര്‍ന്ന് ബര്‍ണശേരി സിഎസ്‌ഐ ചര്‍ച്ചിലും ഹോളി ട്രിനിറ്റി കത്തീഡ്രലിലും ഓശാന തിരുനാളില്‍ പങ്കെടുത്തു. ഇക്കോസ് ഓഡിറ്റോറിയത്തില്‍ കെഎസ്‌എസ്പിഎയുടെ നേതൃത്വത്തില്‍ സംഘടിപ്പിച്ച കുടുംബ സംഗമത്തിലും പങ്കെടുത്തു. മയ്യാലപീടിക, ഉരുവച്ചാല്‍, മുനിസിപ്പല്‍ കോട്ടേജ് പരിസരം, ചാല അമ്ബലത്തിന് സമീപം,വലിയന്നൂര്‍, കക്കറ, നടാല്‍ നാറാണത്ത്, പള്ളിപ്രം, കൊട്ടാണി ച്ചേരി, കുട്ടിക്കകം മുനമ്ബ്, തളാപ്പ് എക്സോറ ഓഡിറ്റോറിയത്തിലും നടന്ന കുടുംബയോഗങ്ങളില്‍ പങ്കെടുത്തു.രാവിലെയും വൈകുന്നേരവും വ്യക്തികളെയും സന്ദര്‍ശിച്ചു.
കടന്നപ്പള്ളി രാമചന്ദ്രന്‍
കണ്ണൂര്‍: കണ്ണൂര്‍ മണ്ഡലം എല്ഡിഎഫ് സ്ഥാനാര്‍ഥി കടന്നപ്പള്ളി രാമചന്ദ്രന്‍ ഇന്നലെ എടക്കാട് മേഖലയിലായിരുന്നു പര്യടനം.ആറ്റടപ്പ, നൂഞ്ഞിക്കാവ്, ലക്ഷംവീട് കോളനി, എകെജി വായനശാല, ഐടിഐ, കാഞ്ഞിര, കുറുവ എകെജി. ക്ലബ് , അവേര, കുറുവ മഞ്ഞക്കാല്‍ റോഡ്, കടലായി കോട്ടമ്മല്‍ അങ്കണവാടിക്ക് സമീപം കടലായി, .വട്ടക്കുളം, തോട്ടട വെസ്റ്റ് , ലൂന കോര്‍ണര്‍, സമാജ് വാദി കോളനി, ഭഗവതിമുക്ക്, കിഴുന്നപ്പാറ, കുറ്റിക്കകം, തോലന്‍മുക്ക്, കക്കറ കോര്‍ണര്‍, അയ്യാരകത്ത് പാലം, കൈരളി വായനശാല, ഊര്‍പ്പഴശിക്കാവ് കൊശോര്‍മൂല റേഷന്‍ ഷാപ്പ്, നടാല്‍, ചിറക്കുതാഴെ വായനശാല, കണ്ണന്‍ പീടിക എന്നിവിടങ്ങളില്‍ സ്വീകരണം നല്‍കി. വിവിധ കേന്ദ്രങ്ങളില്‍ കെ.രാജേഷ്, പി.ആര്‍. വത്സലന്‍, മുഹമ്മദ് റാഫി, ഇ.കെ. ദൃശ്യ, ടി.രാജന്‍ എന്നിവര്‍ വിവിധ കേന്ദ്രങ്ങളില്‍ സംസാരിച്ചു. എല്ഡിഎഫ് നേതാക്കളായ വി.കെ. സനോജ്, ഇ.പി.ആര്‍. വേശാല, കെ.കെ. ജയപ്രകാശ് തുടങ്ങിയവരും കൂടെയുണ്ടായിരുന്നു. കലാഭവന്‍ മണിയുടെ സഹോദരന്‍ ആര്‍.എല്‍.വി. രാമകൃഷ്ണനും ഗായിക വൈക്കം വിജയലക്ഷ്മിയും മണ്ഡലത്തിലെ വിവിധ ഭാഗങ്ങളില്‍ കടന്നപ്പള്ളിക്ക് വോട്ട് അഭ്യര്‍ഥിച്ചെത്തി.
ഇല്ലിക്കല്‍ ആഗസ്തി
മട്ടന്നൂര്‍: നിയോജക മണ്ഡലം യുഡിഎഫ് സ്ഥാനാര്‍ഥി ഇല്ലിക്കല്‍ ആഗസ്തി ഇന്നലെ മട്ടന്നൂര്‍ നഗരസഭയിലെയും തില്ലങ്കേരി പഞ്ചായത്തിലെയും വിവിധ പ്രദേശങ്ങളിലാണ് പര്യടനം നടത്തിയത്. വിവാഹ വീടുകളിലും മറ്റും കയറി വോട്ട് അഭ്യര്‍ഥിക്കാനും സമയം കണ്ടെത്തി. തില്ലങ്കേരി പഞ്ചായത്തിലെ പാറേങ്ങാട് നിന്നാരംഭിച്ച പര്യടനം 26 സ്ഥലങ്ങളിലെ സ്വീകരണത്തിന് ശേഷം മട്ടന്നൂര്‍ നഗരസഭയിലെ പാറേക്കാട് സമാപിച്ചു. പാറേങ്ങാട് നിന്നാരംഭിച്ച പര്യടന പരിപാടി ഡിസിസി ജനറല്‍ സെക്രട്ടറി പടിയൂര്‍ ദാമോദരന്‍ ഉദ്ഘാടനം ചെയ്തു. കെ.പി പദ്മനാഭന്‍ അധ്യക്ഷത വഹിച്ചു. ഇ.പി.ഷംസുദ്ദീന്‍, സുരേഷ് മാവില, വി.മോഹനന്‍, എന്‍.സി. സുമോദ്, പി.പി.ഷൗക്കത്തലി തുടങ്ങിയവര്‍ പ്രസംഗിച്ചു.
കെ.കെ.ശൈലജ
മട്ടന്നൂര്‍: എല്ഡിഎഫ് സ്ഥാനാര്‍ഥി കെ.കെ. ശൈലജയുടെ തെരഞ്ഞെടുപ്പ്‌ പ്രചാരണാര്‍ഥം മട്ടന്നൂര്‍ മണ്ഡലം എല്‍ഡിവൈഎഫ്‌ റോഡ് ഷോ സംഘടിപ്പിച്ചു. ഇന്നലെ വൈകുന്നേരം പാലോട്ടുപള്ളിയില്‍ നിന്നാണ് റോഡ്‌ഷോ ആരംഭിച്ചത്. തുറന്ന വാഹനത്തില്‍ സ്ഥാനാര്‍ഥി കെ. കെ. ശൈലജയും സിപിഎം ജില്ലാ സെക്രട്ടേറിയറ്റംഗം പി. പുരുഷോത്തമനും സഞ്ചരിച്ചു. റോഡ് ഷോ ബസ്‌സ്‌റ്റാന്‍ഡില്‍ സമാപിച്ചു
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു