ലവ്​ ജിഹാദ്​ വീണ്ടും ഉന്നയിക്കുന്നത്​ തമ്മിലടിപ്പിക്കാന്‍, ഇതിനെ മുഖ്യമന്ത്രി പിന്തുണക്കുന്നുണ്ടോ -ചെന്നിത്തല

തിരുവനന്തപുരം: മതവികാരം ഇളക്കിവിട്ട്​ ​നാട്ടിലെ െഎക്യം തകര്‍ക്കാനാണ്​ ലവ്​ ജിഹാദ്​ വീണ്ടും എല്‍.ഡി.എഫ്​ തെര​െഞ്ഞടുപ്പ്​ പ്രചാരണവിഷയമാക്കുന്നതെന്ന്​ പ്രതിപക്ഷനേതാവ്​ രമേശ്​ ചെന്നിത്തല. മതവിശ്വാസികളെ തമ്മിലടിപ്പിക്കാനാണ്​ ജോസ്​ കെ. മാണി ലവ്​ ജിഹാദ്​ വിഷയമാക്കിയത്​.

വലിയൊരു വിഭാഗത്തിന്​ ഇക്കാര്യത്തില്‍ ആശങ്കയു​െണ്ടന്നത്​ ശരിയാണ്​. പക്ഷേ തെര​െഞ്ഞടുപ്പ്​ സമയത്ത്​ ഇത്തരം കാര്യങ്ങള്‍ അല്ല ഉന്നയിക്കേണ്ടത്​. അത്​ മതധ്രുവീകരണത്തിനായി ബോധപൂര്‍വം കൊണ്ടുവന്ന കാര്യമാണ്​. ഇതിനെ മുഖ്യമന്ത്രി പിന്തുണക്കുന്നുണ്ടോ എന്നാണ്​ അറിയേണ്ടതെന്നും ചെന്നിത്തല ചോദിച്ചു.

തെരഞ്ഞെടുപ്പില്‍ യു.ഡി.എഫ്​^ബി.ജെ.പി കൂട്ടുകെട്ട്​ എന്ന സി.പി.എം ആരോപണം ശുദ്ധഅസംബന്ധമാണ്കോണ്‍ഗ്രസ്​ മുക്ത​ഭാരതം എന്ന മു​ദ്രാവാക്യം മുഴക്കി നടക്കുന്നവര്‍ യു.ഡി.എഫിന്​ വോട്ട്​ നല്‍കുമെന്ന്​ പറഞ്ഞാല്‍ ആരെങ്കിലും വിശ്വസിക്കുമോ. വര്‍ഗീയവാദികളുടെ വോട്ട്​ യു.ഡി.എഫിന്​ വേണ്ടെന്നും ചെന്നിത്തല പറഞ്ഞു.