കണ്ണൂര്‍: നിലവിൽ വലിയ തുക നൽകിയാണ് യാത്രക്കാർ റെയിൽവേ യാത്ര നടത്തുന്നത്. അതുതന്നെ നേരത്തെ റിസർവേഷൻ ചെയ്തും. അല്ലാതുള്ള യാത്ര കോവിഡ് കാലം മുതൽ നടക്കുന്നില്ല. അതിനിടെ മെമു ട്രെയിൻ സർവിസ് തുടങ്ങുകയാണ്. ഇത് യാത്രക്കാരെ പ്രതീക്ഷയുടെ ട്രാക്കിലേക്കാണ് ഉയർത്തുന്നത്. കോവിഡിന് ശേഷമുള്ള ആദ്യത്തെ അണ്‍ റിസര്‍വ്ഡ് ട്രെയിനായാണ് മാർച്ച് 16 മുതൽ മെമു സർവിസ് ആരംഭിക്കുന്നത്. ഇതിെൻറ ഭാഗമായി വ്യാഴാഴ്ച നടത്തിയ ട്രയല്‍ റൺ ഏറെ വിജയമായിരുന്നു.
ഷൊര്‍ണൂരില്‍ നിന്ന് കണ്ണൂരിലേക്കും തിരിച്ചും മാര്‍ച്ച് 16 മുതല്‍ ഓടിത്തുടങ്ങുന്ന മെമുവിെൻറ പരിശീലന ഓട്ടമാണ് വ്യാഴാഴ്ച നടന്നത്. പാലക്കാട് ഡിവിഷന്‍ എ.ഡി.ആര്‍.എം സക്കീര്‍ ഹുസൈന്‍, സീനിയര്‍ ഡിവിഷന്‍ ഇലക്ട്രിക്കല്‍ എന്‍ജിനീയര്‍ (ഓപറേഷന്‍സ്) ജയകൃഷ്ണന്‍ എന്നിവരുടെ നേതൃത്വത്തിലുള്ള സംഘമാണ് പരീക്ഷണ ഓട്ടത്തിൽ പങ്കെടുത്തത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു