തൃശൂര്: മാന്പുള്ളിയില് വയോധികരായ ദന്പതികളേയും മകനെയും മരിച്ച നിലയില് കണ്ടെത്തി. മാന്പുള്ളി കോരത്ത് കുടുംബക്ഷേത്രത്തിനു സമീപം കോരത്ത് ഗോപാലന്(73), ഭാര്യ മല്ലിക(65), മകന് റിജോയ്( 40) എന്നിവരെയാണ് വീടിനുള്ളില് തൂങ്ങിമരിച്ച നിലയില് കണ്ടെത്തിയത്.
ഇന്നലെ രാവിലെ സമീപത്തെ കുടുംബ ക്ഷേത്രം തുറക്കാന് എത്തിയ ജീവനക്കാരന് വീടിന്റെ വാതില് തുറക്കാതെ വന്നതോടെ നടത്തിയ പരിശോധനയിലാണ് ഇവര് എഴുതിയതെന്നു കരുതുന്ന എഴുത്തും താക്കോലും പുറത്തു കണ്ടെത്തിയത്.ഗോപാലന്റേയും മകന് റിജോയിയുടെയും മൃതദേഹം നടുമുറിയിലും മല്ലികയുടെ മൃതദേഹം അടുക്കള ഭാഗത്തെ മറ്റൊരു മുറിയിലുമാണ് കണ്ടെത്തിയത്.
മൃതദേഹങ്ങള് തൃശൂര് മെഡിക്കല് കോളജിലേക്കു മാറ്റി. കോവിഡ് പരിശോധനയ്ക്കും പോസ്റ്റ്മോര്ട്ടത്തിനുംശേഷം ബന്ധുക്കള്ക്കു വിട്ടുകൊടുക്കും. ഗോപാലന്റെ മകള്: രഹന. റിജോയിയുടെ ഭാര്യ: രമ്യ. മകന്: ഹൃതിന്കൃഷ്ണ.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു