കണ്ണൂര്‍: മദ്യമില്ലാത്ത സമൂഹം സൃഷ്ടിക്കാന്‍ ജനങ്ങള്‍ കക്ഷിരാഷ്‌ട്രീയ ഭേദമന്യേ മുന്നോട്ടുവരണമെന്ന് കണ്ണൂര്‍ ബിഷപ് ഡോ. അലക്സ് വടക്കുംതല. പൊതുതെരഞ്ഞെടുപ്പ് ഇതിനുള്ള ഒരു അവസരമാണ് ജനങ്ങള്‍ക്ക് നല്‍കിയതെന്നും മദ്യനിരോധനത്തിനൊരു വോട്ട് എന്നതാകട്ടെ ഓരോ വോട്ടര്‍മാരുടെയും കര്‍ത്തവ്യമെന്നും അദ്ദേഹം പറഞ്ഞു. കുടുംബ സമാധാനവും സ്വസ്ഥമായ ജീവിതവും ലക്ഷ്യമാക്കുന്ന സര്‍ക്കാരുകള്‍ മദ്യം ഒഴുക്കുന്നതിലൂടെ ജനവഞ്ചനയാണ് കാണിക്കുന്നതെന്ന് അദ്ദേഹം ഓര്‍മിപ്പിച്ചു. "മദ്യമില്ലാത്ത ഒരു കേരളത്തിനാവട്ടെ നിങ്ങളുടെ ഒരു വോട്ട്' എന്ന സന്ദേശം ഉയര്‍ത്തി കേരള മദ്യനിരോധന സമിതി സംസ്ഥാന കമ്മിറ്റിയുടെ ജാഥയ്ക്ക് കണ്ണൂര്‍ ഗാന്ധി സ്ക്വയറില്‍ നടന്ന സ്വീകരണ യോഗം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.സമിതി ജില്ലാ പ്രസിഡന്‍റ് രാജന്‍ തീയറേത്ത് അധ്യക്ഷത വഹിച്ചു. ജാഥാ ലീഡര്‍ സംസ്ഥാന ജനറല്‍ സെക്രട്ടറി പ്രഫ. ടി.എം. രവീന്ദ്രന്‍, സംസ്ഥാന സെക്രട്ടറി ടി.പി.ആര്‍.
നാഥ്, ശിവഗിരിമഠം സ്വാമി പ്രേമാനന്ദ, ജില്ലാ വൈസ് പ്രസിഡന്‍റ് ദിനു മൊട്ടമ്മല്‍, ജില്ലാ സെക്രട്ടറി ആര്‍ട്ടിസ്റ്റ് ശശികല, വനിതാ പ്രസിഡന്‍റ് ഐ.സി. മേരി, പി.ജെ. തോമസ്, സിസ്റ്റര്‍ നോബിള്‍, സിസ്റ്റര്‍ ജ്യോത്സന, റിന്‍സി കുര്യന്‍, വത്സമ്മ പനമറ്റം എന്നിവര്‍ പ്രസംഗിച്ചു. പുതിയതെരു, ധര്‍മശാല, തളിപ്പറമ്ബ്, പയ്യന്നൂര്‍ എന്നിവിടങ്ങളിലും സ്വീകരണം നല്‍കി.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു