പോ​രാ​ട്ട​ത്തി​ന്‍റെ മ​ഞ്ചേ​ശ്വ​രം മൊ​ഞ്ച്

ഷൈ​ബി​ന്‍ ജോ​സ​ഫ്

മ​ഞ്ചേ​ശ്വ​രം: പൊ​തു​യോ​ഗ​ങ്ങ​ളോ ക​വ​ലപ്ര​സം​ഗ​ങ്ങ​ളോ അ​നൗ​ണ്‍​സ്‌​മെ​ന്‍റു​ക​ളോ കൊ​ടി​തോ​ര​ണ​ങ്ങ​ളോ ഇ​ല്ല. പ്ര​ച​ര​ണ​ബോ​ര്‍​ഡു​ക​ളും ചു​വ​രെ​ഴു​ത്തു​ക​ളും അ​പൂ​ര്‍​വ​മാ​യി മാ​ത്രം. പ​ര​മാ​വ​ധി ആ​ള്‍​ക്കാ​രെ നേ​രി​ല്‍ ക​ണ്ട് വോ​ട്ട​ഭ്യ​ര്‍​ഥി​ക്കു​ന്ന സ്ഥാ​നാ​ര്‍​ഥി​ക​ള്‍. മു​ന്‍​കാ​ല​ങ്ങ​ളി​ല്‍നി​ന്നു വ്യ​ത്യ​സ്ത​മാ​ണ് ഇ​ത്ത​വ​ണ​ത്തെ മ​ഞ്ചേ​ശ്വ​ര​ത്തെ തെ​ര​ഞ്ഞെ​ടു​പ്പ് പ്ര​ച​ര​ണം. മൂ​ന്നു മു​ന്ന​ണി​ക​ളും ഏ​റെ പ്ര​തീ​ക്ഷ പു​ല​ര്‍​ത്തു​ന്ന മ​ണ്ഡ​ല​മാ​ണി​ത്. ഒ​ച്ച​പ്പാ​ടും ബ​ഹ​ള​ങ്ങ​ളു​മൊ​ന്നുമി​ല്ലെ​ങ്കി​ലും മൂ​ന്നു മു​ന്ന​ണി​ക​ളും ഏ​റെ ആ​വേ​ശ​ത്തോ​ടെ​യാ​ണ് ഇ​ത്ത​വ​ണ പ്ര​ച​ര​ണ​ത്തി​നി​റ​ങ്ങി​യി​രി​ക്കു​ന്ന​ത്.പ​റ​ന്ന് പ​റ​ന്ന് പ​റ​ന്ന്

ട്രോ​ള​ന്മാ​രു​ടെ ഭാ​ഷ​യി​ല്‍ പ​റ​ഞ്ഞാ​ല്‍ കെ.​സു​രേ​ന്ദ്ര​ന്‍ ഫു​ള്‍ ടൈം ​എ​യ​റി​ലാ​ണ്. നി​ല​ത്തു​നി​ല്‍​ക്കാ​ന്‍ പോ​ലും സ​മ​യ​മി​ല്ലാ​ത്തവി​ധം പ​റ​ന്നു​ന​ട​ന്നു​ള്ള പ്ര​ച​ര​ണം.​യാ​ത്ര ഹെ​ലി​കോ​പ്റ്റ​റി​ല്‍നി​ന്നും കാ​റി​ലേക്ക് മാ​റു​ന്നു എ​ന്ന വ്യ​ത്യാ​സം മാ​ത്രം. കോ​ന്നി​യി​ല്‍നി​ന്ന് രാ​വി​ലെ പ​ത്തി​ന് പൈ​വ​ളി​ഗെ​യി​ല്‍ ഹെ​ലി​കോ​പ്റ്റ​റി​ലി​റ​ങ്ങി​യ​ശേ​ഷം ക​യ​ര്‍​ക​ട്ട​യി​ല്‍ പൈ​വെ​ളി​ഗെ പ​ഞ്ചാ​യ​ത്തു​ത​ല യോഗത്തില്‍ പങ്കെടുത്തശേ​ഷം വീ​ടു​ക​ള്‍ ക​യ​റി വോ​ട്ട​ഭ്യ​ര്‍​ഥി​ക്കാ​നാ​യി പു​റ​പ്പെ​ട്ടു. മ​ണ്ഡ​ല​ത്തി​ലെ ആ​റാ​യി​ര​ത്തോ​ളം വ​രു​ന്ന കൊ​ങ്കി​ണി ക്രൈ​സ്ത​വ​രു​ടെ പി​ന്തു​ണ​യു​റ​പ്പാ​ക്കു​ക​യാ​ണ് ല​ക്ഷ്യം. സു​രേ​ന്ദ്ര​ന്‍റെ വെ​ള്ള ഇ​ന്നോ​വ കാ​ര്‍ വ​ന്നു​ചെ​ന്ന​ത് പെ​ര്‍​മു​ദെ​യി​ലെ ശാ​ലോം നി​വാ​സ് എ​ന്ന വീ​ടി​നു​മു​ന്നി​ല്‍. ഉ​പ്പ​ള​യി​ല്‍ സ്വ​കാ​ര്യ ന​ഴ്‌​സിം​ഗ് സ്‌​കൂ​ള്‍ ട്യൂ​ട്ട​റാ​യ ഫ്ളാ​വി​യ മൊ​ന്തേ​രൊ​യു​ടെ വീ​ടാ​ണി​ത്. പ​ര​മ്ബ​രാ​ഗ​ത കോ​ണ്‍​ഗ്ര​സ് കു​ടും​ബാം​ഗ​ങ്ങ​ളാ​ണ് ഫ്ളാ​വി​യ​യും ഭ​ര്‍​ത്താ​വ് സി​പ്രി​യ​ന്‍ ഡി​സൂ​സ​യും. ഫ്ളാ​വി​യ ക​ഴി​ഞ്ഞ പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ല്‍ യു​ഡി​എ​ഫ് സ്ഥാ​നാ​ര്‍​ഥി വാ​ര്‍​ഡി​ല്‍ മ​ത്സ​രി​ച്ചെ​ങ്കി​ലും പ​രാ​ജ​യ​പ്പെ​ട്ടി​രു​ന്നു. തു​ളു​വി​ല്‍ വോ​ട്ട​ഭ്യ​ര്‍​ഥ​ന. അ​ല്​പ​സ​മ​യം കു​ടും​ബാം​ഗ​ങ്ങ​ളോ​ട് കു​ശ​ലാ​ന്വേ​ഷ​ണം. ഇ​വി​ടെവ​ച്ച്‌ സു​രേ​ന്ദ്ര​ന്‍ ദീ​പി​ക​യോ​ട് മ​ന​സു​തു​റ​ന്നു. ''കേ​ര​ള​ത്തി​ലെ ഏ​റ്റ​വും പി​ന്നാ​ക്കം നി​ല്‍​ക്കു​ന്ന മ​ണ്ഡ​ല​മാ​ണി​ത്. അ​ടി​സ്ഥാ​ന​സൗ​ക​ര്യ​ങ്ങ​ള്‍ പോ​ലു​മി​ല്ല. പ​ല​യി​ട​ത്തും കു​ടി​വെ​ള്ളംപോ​ലും കി​ട്ടാ​ക്ക​നി​യാ​ണ്. ആ​രോ​ഗ്യ-​വി​ദ്യാ​ഭ്യാ​സ​മേ​ഖ​ല​യി​ല്‍ സ്ഥി​തി ദ​യ​നീ​യ​മാ​ണ്. എ​ന്തി​നും ഏ​തി​നും മം​ഗ​ളൂ​രു​വി​നെ ആ​ശ്ര​യി​ക്കേ​ണ്ട സ്ഥി​തി. ഇ​തി​ന്‍റെ ദു​ര​ന്ത​മാ​ണ് കോ​വി​ഡ് കാ​ല​ത്ത് ഈ ​പ്ര​ദേ​ശം അ​നു​ഭ​വി​ച്ച​ത്. ഇ​ത്ത​വ​ണ ബി​ജെ​പി ജ​യി​ച്ചാ​ല്‍ കേ​ന്ദ്ര​സ​ര്‍​ക്കാ​രി​ന്‍റെ സ​ഹാ​യ​ത്തോ​ടെ സം​സ്ഥാ​ന​ത്തെ മി​ക​ച്ച മ​ണ്ഡ​ല​മാ​ക്കി മ​ഞ്ചേ​ശ്വ​ര​ത്തെ മാ​റ്റും''.

ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ വെ​റും 89 വോ​ട്ടി​നാ​യി​രു​ന്നു ബി​ജെ​പി​യു​ടെ പ​രാ​ജ​യ​മെ​ങ്കി​ല്‍ മൂ​ന്നു​വ​ര്‍​ഷം ക​ഴി​ഞ്ഞു ന​ട​ന്ന ഉ​പ​തെ​ര​ഞ്ഞെ​ടു​പ്പി​ലെ പ​രാ​ജ​യം 7,923 വോ​ട്ടി​നാ​യി​രു​ന്നു. എ​ന്തു​കൊ​ണ്ടാ​ണ് ബി​ജെ​പി​യു​ടെ പ്ര​ക​ട​നം മോ​ശ​മാ​കാ​ന്‍ കാ​ര​ണ​മെ​ന്ന ചോ​ദ്യ​ത്തി​ന് ഉ​ത്ത​രം ചി​രി​യോ​ടെ, ''അ​ത് സ്ഥാ​നാ​ര്‍​ഥി വേ​റെ​യാ​ളാ​യി​രു​ന്ന​ല്ലോ...'' സ്ഥാ​നാ​ര്‍​ഥി​യു​ടെ പോ​രാ​യ്മകൊ​ണ്ടാ​ണോ ബി​ജെ​പി പി​ന്നോ​ട്ടുപോ​യ​ത് ? ''അ​ങ്ങ​നെ​യ​ല്ല, ഉ​പ​തെ​ര​ഞ്ഞെ​ടു​പ്പി​ന്‍റെ ട്രെ​ന്‍​ഡ് എ​പ്പോ​ഴും വേ​റെത​ന്നെ​യാ​ണ്. നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ ബി​ജെ​പി ക​രു​ത്ത് തെ​ളി​യി​ക്കു​കത​ന്നെ ചെ​യ്യും''. തെ​ര​ഞ്ഞെ​ടു​പ്പി​ല്‍ ബി​ജെ​പി​യു​ടെ സാ​ധ്യ​ത​ക​ള്‍ എ​ത്ര​ത്തോ​ള​മാ​ണ് ? ''മ​ണ്ഡ​ല​ത്തി​ന്‍റെ പി​ന്നാ​ക്കാ​വ​സ്ഥ​യ്ക്ക് കാ​ര​ണം യു​ഡി​എ​ഫും അ​വ​ര്‍​ക്ക് വോ​ട്ട് മ​റി​ച്ചു​ന​ല്‍​കു​ന്ന എ​ല്‍​ഡി​എ​ഫു​മാ​ണ്. ഈ ​യാ​ഥാ​ര്‍​ഥ്യം ജ​ന​ങ്ങ​ള്‍ തി​രി​ച്ച​റി​ഞ്ഞി​ട്ടു​ണ്ട്. എ​ല്ലാ ജ​ന​വി​ഭാ​ഗ​ങ്ങ​ളും ബി​ജെ​പി​യെ പി​ന്തു​ണ​യ്ക്കും. മ​റ്റുര​ണ്ടു മു​ന്ന​ണി​ക​ളി​ലും ആ​ഭ്യ​ന്ത​ര​പ്ര​ശ്‌​ന​ങ്ങ​ളു​ണ്ട്. ദു​ര്‍​ബ​ല​രാ​യ സ്ഥാ​നാ​ര്‍​ഥി​ക​ളെ​യാ​ണ് അ​വ​ര്‍ നി​ര്‍​ത്തി​യി​രി​ക്കു​ന്ന​ത്. ഈ ​മ​ണ്ഡ​ല​ത്തെ ക​ഴി​ഞ്ഞ 15 വ​ര്‍​ഷ​മാ​യി അ​ടു​ത്ത​റി​ഞ്ഞി​ട്ടു​ള്ള​യാ​ളാ​ണ് ഞാ​ന്‍. ഇ​ത്ത​വ​ണ ബി​ജെ​പി ഇ​വി​ടെ ച​രി​ത്ര​വി​ജ​യം നേ​ടു​കത​ന്നെ ചെ​യ്യും''. ഹെ​ലി​കോ​പ്റ്റ​ര്‍ യാ​ത്ര​യ്‌​ക്കെ​തി​രേ എ​തി​രാ​ളി​ക​ളും സ്വ​ന്തം പാ​ര്‍​ട്ടി​ക്കാ​രും വി​മ​ര്‍​ശ​ന​ങ്ങ​ളും പ​രി​ഹാ​സ​ങ്ങ​ളും ട്രോ​ളു​ക​ളും മീ​മു​ക​ളു​മാ​യി രം​ഗ​ത്തെ​ത്തു​ന്ന​തി​നെ​ക്കു​റി​ച്ച്‌ മ​റു​പ​ടി ഇ​ങ്ങ​നെ ''കേ​ര​ള​ത്തി​ന്‍റെ ര​ണ്ട​റ്റ​ത്ത് കി​ട​ക്കു​ന്ന ര​ണ്ടു മ​ണ്ഡ​ല​ങ്ങ​ളി​ലാ​ണ് ഞാ​ന്‍ മ​ത്സ​രി​ക്കു​ന്ന​ത്. കൂ​ടാ​തെ പാ​ര്‍​ട്ടി സം​സ്ഥാ​ന പ്ര​സി​ഡ​ന്‍റ് എ​ന്നനി​ല​യി​ലു​ള്ള ഉ​ത്ത​ര​വാ​ദി​ത്ത​വും. ഈ ​സാ​ഹ​ച​ര്യ​ത്തി​ലാ​ണ് പാ​ര്‍​ട്ടി എ​നി​ക്ക് ഹെ​ലി​കോ​പ്റ്റ​ര്‍ അ​നു​വ​ദി​ച്ച​ത്. അ​ല്ലാ​തെ എ​ല്ലാ​യി​ട​ത്തും ഓ​ടി​യെ​ത്താ​ന്‍ ക​ഴി​യി​ല്ലെ​ന്ന കാ​ര്യം എ​ല്ലാ​വ​ര്‍​ക്കു​മ​റി​യാം. വി​മ​ര്‍​ശി​ക്കു​ന്ന​വ​ര്‍​ക്ക് അ​വ​രു​ടേ​താ​യ താ​ത്​പ​ര്യ​ങ്ങ​ളു​ണ്ടാ​കും.''​വാ​ച്ചി​ലേ​ക്കു നോ​ക്കി​യ​പ്പോ​ള്‍ നേ​രം ഒ​രു മ​ണി​യാ​കു​ന്നു. മ​ല്ല​ങ്കൈ​യി​ല്‍ ബി​ജെ​പി നേ​താ​വ് വി​ജ​യ് റാ​യി​യു​ടെ വീ​ട്ടി​ലാ​ണ് സ്ഥാ​നാ​ര്‍​ഥി​ക്കും പ്ര​വ​ര്‍​ത്ത​ക​ര്‍​ക്കും ഉ​ച്ച​ഭ​ക്ഷ​ണം ത​യാ​റാ​ക്കി​യി​രി​ക്കു​ന്ന​ത്. കൈ​കൂ​പ്പി യാ​ത്ര​പ​റ​ഞ്ഞു.

ഹോം​ഗ്രൗ​ണ്ടി​ല്‍

ആ​ത്മ​വി​ശ്വാ​സ​ത്തോ​ടെ എ​കെ​എം

സ​മ​യം വൈ​കു​ന്നേ​രം 3.30. സ്ഥ​ലം വോ​ര്‍​ക്കാ​ടി പ​ഞ്ചാ​യ​ത്തി​ലെ മൊ​റ​ത്ത​ണ. രാ​ജ​കീ​യ​പ്രൗ​ഢി​യോ​ടെ മ​ല​യോ​രഹൈ​വേ ക​ട​ന്നു​പോ​കു​ന്ന പ്ര​ദേ​ശ​മാ​ണി​ത്. ച​രി​ത്ര​ത്തി​ലാ​ദ്യ​മാ​യാ​ണ് മ​ണ്ഡ​ലം​കാ​ര​നാ​യ ഒ​രു സ്ഥാ​നാ​ര്‍​ഥി​യെ മു​സ്‌ലിം ​ലീ​ഗ് ഇ​വി​ടെ പ​രീ​ക്ഷി​ക്കു​ന്ന​ത്. റോ​ഡ​രി​കി​ല്‍ ത​ന്നെ​യു​ള്ള മ​ല​നാ​ട​ന്‍ ത​ട്ടു​ക​ട​യെ​ന്ന ഹോ​ട്ട​ലി​ല്‍ ചാ​യ കു​ടി​ച്ചു​കൊ​ണ്ട് എ.​കെ.​എം.​അ​ഷ്‌​റ​ഫ് വാ​ചാ​ല​നാ​യി. ''ക​ബ​ഡി ടൂ​ര്‍​ണ​മെ​ന്‍റു​ക​ളു​ടെ അ​നൗ​ണ്‍​സ​റാ​യാ​ണ് ഞാ​ന്‍ പൊ​തു​രം​ഗ​ത്തെ​ത്തി​യ​ത്. മ​ഞ്ചേ​ശ്വ​രം ഗോ​വി​ന്ദ​പൈ കോ​ള​ജി​ല്‍ ബി​എ ക​ന്ന​ട സാ​ഹി​ത്യം കോ​ഴ്‌​സി​ന് ചേ​ര്‍​ന്ന​പ്പോ​ള്‍ ആ ​കോ​ള​ജ് എ​ബി​വി​പി​യു​ടെ കോ​ട്ട​യാ​യി​രു​ന്നു. ആ ​വ​ര്‍​ഷം മ​ത്സ​രി​ച്ച്‌ സ്റ്റു​ഡ​ന്‍റ് എ​ഡി​റ്റ​റാ​യി. പി​റ്റേ​വ​ര്‍​ഷം യൂ​ണി​യ​ന്‍ ചെ​യ​ര്‍​മാ​നും അ​വ​സാ​ന​വ​ര്‍​ഷം സെ​ക്ര​ട്ട​റി​യു​മാ​യി. അ​തി​നു​മു​മ്ബോ ശേ​ഷ​മോ ഒ​രു എം​എ​സ്‌എ​ഫ് പ്ര​വ​ര്‍​ത്ത​ക​നും ഈ ​പ​ദ​വി​ക​ളി​ലെ​ത്തി​യി​ട്ടി​ല്ല. യൂ​ണി​യ​ന്‍ ഉ​ദ്ഘാ​ട​ന​ത്തി​ന് ഗാ​ന​ഗ​ന്ധ​ര്‍​വ​ന്‍ കെ.​ജെ.​യേ​ശു​ദാ​സി​നെ കൊ​ണ്ടു​വ​രു​മെ​ന്നാ​യി​രു​ന്നു എ​ന്‍റെ വാ​ഗ്ദാ​നം. ഒ​രു നാ​ട​ക​ന​ട​ന്‍പോ​ലും ആ ​കോ​ള​ജി​ല്‍ വ​ന്നി​രു​ന്നി​ല്ല. എ​ന്തു​ചെ​യ്യ​ണ​മെ​ന്നാ​ലോ​ചി​ച്ചി​രി​ക്കു​മ്ബോ​ഴാ​ണ് ക​ന്ന​ട പ​ത്ര​ത്തി​ല്‍ ഒ​രു വാ​ര്‍​ത്ത യാ​ദൃ​ശ്ചി​ക​മാ​യി ക​ണ്ട​ത്. സി​നി​മാ​താ​രം ജ​ഗ​തി ശ്രീ​കു​മാ​ര്‍ മം​ഗ​ളൂരുവില്‍ മ​ക​ളു​ടെ കോ​ള​ജി​ലെ പ​രി​പാ​ടി​യി​ല്‍ പങ്കെടു ക്കാ​ന്‍ വ​രു​ന്നു. മ​ല​യാ​ള​സ​മാ​ജ​വും സം​ഘാ​ട​ക​രി​ലൊ​രാ​ളാ​ണ്. പ​രി​ച​യ​മു​ള്ള ഒ​രു മ​ല​യാ​ളം സ​മാ​ജം പ്ര​വ​ര്‍​ത്ത​​ക​നു​മാ​യി മം​ഗ​ളൂരുവില്‍ ചെ​ന്ന് ജ​ഗ​തി​യെ ക​ണ്ട് പ​രി​പാ​ടി​ക്ക് ക്ഷ​ണി​ക്കു​ക​യും അ​ദ്ദേ​ഹം സ​ന്തോ​ഷ​പൂ​ര്‍​വം വ​രി​ക​യും ചെ​യ്തു''.

ക​ന്ന​ട​ക്കാ​ര​നാ​ണെ​ങ്കി​ലും മ​ല​യാ​ളം അ​ഷ്‌​റ​ഫ് അ​നാ​യാ​സം കൈ​കാ​ര്യം ചെ​യ്യും. ''എന്‍റെ സം​സാ​ര​ഭാ​ഷ ബ്യാ​രി​യാ​ണ്. ലി​പി ക​ന്ന​ട​യും. സ്‌​കൂ​ളി​ലോ കോ​ള​ജി​ലോ മ​ല​യാ​ളം പ​ഠി​ച്ചി​ട്ടി​ല്ല. ദി​ന​പ​ത്ര​ങ്ങ​ള്‍ വാ​യി​ച്ചും ആ​ള്‍​ക്കാ​രോ​ട് സം​സാ​രി​ച്ചും ഗു​രു​നാ​ഥ​നി​ല്ലാ​തെ സ്വ​ന്ത​മാ​യാ​ണ് ഞാ​ന്‍ മ​ല​യാ​ളം പ​ഠി​ച്ച​ത്''. ക​ഴി​ഞ്ഞ ത​ദ്ദേ​ശ​തെ​ര​ഞ്ഞെ​ടു​പ്പി​ല്‍ യു​ഡി​എ​ഫി​നേ​റ്റ ക​ന​ത്ത തി​രി​ച്ച​ടി​യെ​ക്കു​റി​ച്ചും അ​ഷ്​റ​ഫ് വി​ശ​ദ​മാ​ക്കി. ''ഇ​ട​തു​മു​ന്ന​ണി ഇ​വി​ടെ ത​ദ്ദേ​ശ​തെ​ര​ഞ്ഞെ​ടു​പ്പി​ല്‍ പ​ര​മാ​വ​ധി വോ​ട്ട് പി​ടി​ച്ച​പ്പോ​ഴും അ​വ​ര്‍ മൂ​ന്നാം​സ്ഥാ​ന​ത്തുത​ന്നെ​യാ​യാ​യി​രു​ന്നു. 2,027 വോ​ട്ടു​മാ​യി യു​ഡി​എ​ഫ് ത​ന്നെ​​യാ​ണ് ലീ​ഡ് ചെ​യ്ത​ത്. മാ​ത്ര​മ​ല്ല വി​മ​ത​സ്ഥാ​നാ​ര്‍​ഥി​ക​ളും യു​ഡി​എ​ഫി​നെ വ​ല്ലാ​തെ വ​ല​ച്ചി​രു​ന്നു. പ​തി​നാ​യി​ര​ത്തോ​ളം വോ​ട്ട് അ​ങ്ങ​നെത​ന്നെ ന​ഷ്ട​മാ​യി​ട്ടു​ണ്ട്. നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ അ​ത് യു​ഡി​എ​ഫി​ലേ​ക്കുത​ന്നെ തി​രി​ച്ചു​വ​രും. എ​സ്ഡി​പി​ഐ പോ​ലു​ള്ള പാ​ര്‍​ട്ടി​ക്ക് 5000-8000 വ​രെ വോ​ട്ടു​ണ്ടെ​ന്നാ​ണ് ഏ​ക​ദേ​ശ​ക​ണ​ക്ക്. മ​റു​വ​ശ​ത്ത് സു​രേ​ന്ദ്ര​നെ പോ​ലെ ഒ​രു നേ​താ​വ് വ​രു​മ്ബോ​ള്‍ മ​ണ്ഡ​ല​ത്തി​ലെ 53 ശ​ത​മാ​ന​ത്തോ​ളം വ​രു​ന്ന മു​സ്‌ലിം വോ​ട്ടു​ക​ള്‍ യു​ഡി​എ​ഫി​ന് അ​നു​കൂ​ല​മാ​യി ധ്രു​വീ​ക​രി​ക്കാ​നു​ള്ള സാ​ധ്യ​ത വ​ള​രെ​യ​ധി​ക​മാ​ണ്. ക​ഴി​ഞ്ഞ തെ​ര​ഞ്ഞെ​ടു​പ്പി​ല്‍ എ​ല്‍​ഡി​എ​ഫ് വി​ജ​യി​ക്കു​മെ​ന്ന പ്ര​തീ​തിയു​ണ്ടാ​യി​രു​ന്നു. എ​ന്നാ​ല്‍ എ​ല്‍​ഡി​എ​ഫി​ന് ജ​ന​ങ്ങ​ള്‍ വോ​ട്ട് ചെ​യ്ത​പ്പോ​ള്‍ അ​തി​ന്‍റെ ഗു​ണം ല​ഭി​ച്ച​ത് ബി​ജെ​പി​ക്കാ​ണ്. ഇ​തോ​ടെ എ​ല്‍​ഡി​എ​ഫി​ന് വോ​ട്ട് ചെ​യ്തി​ട്ടു കാ​ര്യ​മി​ല്ലെ​ന്ന് ജ​ന​ങ്ങ​ള്‍​ക്ക് ബോ​ധ്യ​പ്പെ​ട്ട കാ​ര്യം ലോ​ക്‌​സ​ഭാ തെ​ര​ഞ്ഞെ​ടു​പ്പ്, നി​യ​മ​സ​ഭ ഉ​പ​തെ​ര​ഞ്ഞെ​ടു​പ്പ് എ​ന്നി​വ​യി​ലൂ​ടെ വ്യ​ക്ത​മാ​യ​താ​ണ്. മാ​ത്ര​മ​ല്ല, കെ.​ആ​ര്‍.​ജ​യാ​ന​ന്ദ​യെ പോ​ലെ നാ​ട്ടു​കാ​ര​നാ​യ സ്ഥാ​നാ​ര്‍​ഥി​യെ ചി​ല നേ​താ​ക്ക​ളു​ടെ സ്ഥാ​പി​ത​താ​ത്​പ​ര്യ​ങ്ങ​ള്‍​ക്കുവേ​ണ്ടി ഒ​ഴി​വാ​ക്കി​യ​തി​ല്‍ ഇ​വി​ടു​ത്തെ സി​പി​എം പ്ര​വ​ര്‍​ത്ത​ക​ര്‍​ക്ക് അ​മ​ര്‍​ഷ​മു​ണ്ട്. അ​ത് തെ​ര​ഞ്ഞെ​ടു​പ്പി​ല്‍ പ്ര​തി​ഫ​ലി​ക്കും''.

ചു​വ​പ്പ​ണി​യി​ക്കാ​ന്‍

ര​മേ​ശ​ന്‍

എ​ന്‍​മ​ക​ജെ​യി​ല്‍ സി​പി​എ​മ്മി​ന് സ്വാ​ധീ​ന​മു​ള്ള കാ​ട്ടു​കു​ക്കെ​യി​ലാ​ണ് വി.​വി.​ര​മേ​ശ​ന്‍റെ പ്ര​ച​ര​ണം തു​ട​ങ്ങി​യ​ത്. ഒ​രു റേ​ഷ​ന്‍ ക​ട​യും ര​ണ്ടു ചെ​റി​യ ക​ട​ക​ളും ഒ​രു സി​പി​എം ഓ​ഫീ​സും മാ​ത്ര​മാ​ണി​വി​ടെ​യു​ള്ള​ത്. പാ​ര്‍​ട്ടി ഓ​ഫീ​സി​ലി​രു​ന്ന് എ​ല്‍​ഡി​എ​ഫി​ന്‍റെ സാ​ധ്യ​ത​ക​ളെ​ക്കു​റി​ച്ച്‌ ര​മേ​ശ​ന്‍ വാ​ചാ​ല​നാ​യി. ''അ​ഞ്ചു​വ​ര്‍​ഷം ഫ​ല​ത്തി​ല്‍ എം​എ​ല്‍​എ​യി​ല്ലാ​ത്ത മ​ണ്ഡ​ല​മാ​യി​രു​ന്നു മ​ഞ്ചേ​ശ്വ​രം. എം​എ​ല്‍​എ​യാ​യി​രു​ന്ന പി.​ബി.​അ​ബ്ദു​ള്‍ റ​സാ​ഖ് അ​സു​ഖ​ബാ​ധി​ത​നാ​കു​ക​യും പി​ന്നീ​ട് മ​രിക്കുകയും ചെ​യ്തു. പി​ന്നീ​ട് ക​ള്ള​വോ​ട്ട് ന​ട​ന്നെ​ന്നാരോ​പി​ച്ച്‌ കെ.​സു​രേ​ന്ദ്ര​ന്‍ ന​ല്‍​കി​യ കേ​സ് മൂ​ല​മാ​ണ് ഒ​ന്ന​ര​വ​ര്‍​ഷം ഇ​വി​ടെ എം​എ​ല്‍​എ ഇ​ല്ലാ​തി​രു​ന്ന​ത്. ഇ​ത് മ​ണ്ഡ​ല​ത്തി​ന്‍റെ വി​ക​സ​ന​ത്തെ പ്ര​തി​കൂ​ല​മാ​യി ബാ​ധി​ച്ചു. പി​ന്നീ​ട് ഉ​പ​തെ​ര​ഞ്ഞെ​ടു​പ്പി​ല്‍ വി​ജ​യി​ച്ച ലീ​ഗ് സ്ഥാ​നാ​ര്‍​ഥി ഒ​രു​വ​ര്‍​ഷ​ത്തി​നു​ള്ളി​ല്‍ സ്വ​ര്‍​ണ​നി​ക്ഷേ​പ​ ത​ട്ടി​പ്പ് കേ​സി​ല്‍ അ​റ​സ്റ്റി​ലാ​യി. ഇ​തോ​ടെ മ​ണ്ഡ​ലം വീ​ണ്ടും അ​നാ​ഥ​മാ​യി. മ​ണ്ഡ​ല​ത്തി​ന്‍റെ ദു​ര​വ​സ്ഥ​യ്ക്കു കാ​ര​ണം യു​ഡി​എ​ഫാ​ണ്. എ​ല്‍​ഡി​എ​ഫ് വ​ന്നാ​ലെ ഇ​വി​ടെ വി​ക​സ​ന​മു​ണ്ടാ​കു​ക​യു​ള്ളൂവെന്ന യാ​ഥാ​ര്‍​ഥ്യം ജ​ന​ങ്ങ​ള്‍ തി​രി​ച്ച​റി​ഞ്ഞി​ട്ടു​ണ്ട്. ബി​ജെ​പി​യെ ജ​ന​ങ്ങ​ള്‍​ക്ക് വി​ശ്വാ​സ​മി​ല്ല. 2016ലെ ​തെ​ര​ഞ്ഞെ​ടു​പ്പി​ല്‍ 89 വോ​ട്ടി​നാ​ണ് ബി​ജെ​പി തോ​റ്റ​ത്.

പി​ന്നെ​യെ​ന്തു​കൊ​ണ്ടാ​ണ് ഉ​പ​തെ​ര​ഞ്ഞെ​ടു​പ്പി​ല്‍ സു​രേ​ന്ദ്ര​ന്‍ മ​ത്സ​രി​ക്കാ​തി​രു​ന്ന​ത്. ക​ന​ത്ത തോ​ല്‍​വി​യേ​റ്റു​വാ​ങ്ങേ​ണ്ടി​വ​രു​മെ​ന്ന് അ​ദ്ദേ​ഹ​ത്തി​ന് ന​ന്നാ​യി അ​റി​യാം. സു​രേ​ന്ദ്ര​ന​ല്ല, ന​രേ​ന്ദ്ര​ന​ല്ല ദേ​വേ​ന്ദ്ര​ന്‍ വ​ന്നാ​ലും മ​ഞ്ചേ​ശ്വ​ര​ത്ത് ബി​ജെ​പി വി​ജ​യി​ക്കാ​ന്‍ പോ​കു​ന്നി​ല്ല. ഇ​ത്ത​വ​ണ എ​ല്‍​ഡി​എ​ഫും ബി​ജെ​പി​യും ത​മ്മി​ലാ​ണ് മ​ത്സ​രം. കേ​ന്ദ്ര​ത്തി​ല്‍ ജ​ന​ദ്രോ​ഹ​ന​യ​ങ്ങ​ളു​മാ​യി മു​ന്നോ​ട്ടു​പോ​കു​ന്ന മോ​ദി​സ​ര്‍​ക്കാ​രി​നെ​യും ജ​ന​ക്ഷേ​മ​പ്ര​വ​ര്‍​ത്ത​ന​ങ്ങ​ളു​ടെ ബ​ദ​ല്‍ സൃ​ഷ്ടി​ച്ച പി​ണ​റാ​യി സ​ര്‍​ക്കാ​രി​നെ​യും വി​ല​യി​രു​ത്തു​ന്ന തെ​ര​ഞ്ഞെ​ടു​പ്പാ​യി​രി​ക്കു​മി​ത്.

ഇ​ത്ത​വ​ണ മൂ​ന്ന് അ​ധ്യ​ക്ഷ​ന്മാ​ര്‍ ത​മ്മി​ലു​ള്ള മ​ത്സ​ര​മാ​ണ്. സു​രേ​ന്ദ്ര​ന്‍ ബി​ജെ​പി സം​സ്ഥാ​ന പ്ര​സി​ഡ​ന്‍റാ​ണ്.

ഞാ​ന്‍ കാ​ഞ്ഞ​ങ്ങാ​ട് ന​ഗ​ര​സ​ഭ ചെ​യ​ര്‍​മാ​നും അ​ഷ്റ​ഫ് മ​ഞ്ചേ​ശ്വ​രം ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റു​മാ​യി​രു​ന്നു. ഈ ​പോ​രാ​ട്ട​ത്തി​ല്‍ ചെ​യ​ര്‍​മാ​ന്മാ​രു​ടെ ചെ​യ​ര്‍​മാ​നാ​യി​രു​ന്ന ഞാ​ന്‍ ത​ന്നെ വി​ജ​യി​ക്കും. ഇ​ത്ത​വ​ണ 2006ലെ ​വി​ജ​യം ആ​വ​ര്‍​ത്തി​ക്കു​മെ​ന്ന് ഉ​റ​പ്പ്.''-രമേശന്‍ പറഞ്ഞുനിര്‍ത്തി.