പയ്യന്നൂര്: പയ്യന്നൂര് മണ്ഡലത്തില് 67 ബൂത്തുകളെ പ്രശ്നബാധിത ബൂത്തുകളുടെ പട്ടികയില് ഉള്പ്പെടുത്തി. ജാഗ്രതാ നിര്ദേമുള്ള 48 ബൂത്തുകളെയും അതീവ ജാഗ്രതാ നിര്ദേശമുള്ള 19 ബൂത്തുകളെയും ഉള്പ്പെടുത്തിയാണ് പട്ടിക തയാറാക്കിയത്. ഇത്തരം ബൂത്തുകളില് പ്രത്യേക സുരക്ഷാ സംവിധാനങ്ങളൊരുക്കും. മണ്ഡലത്തില് ആകെ 268 ബൂത്തുകളാണ് ഉള്ളത്. ഏഴു ബൂത്തുകളെ മാതൃകാ ബൂത്തുകളായി സജ്ജീകരിക്കും.
80 വയസിനു മുകളിലുള്ളവര്ക്കും ഭിന്നശേഷി വോട്ടര്മാര്ക്കും കോവിഡ് രോഗികള്ക്കും തപാല് വോട്ടുകള് വീടുകളിലെത്തിച്ച് നല്കുന്നതിന് 30 ടീമുകളേയും നിയോഗിച്ചിട്ടുണ്ട്.അവര്ക്കുള്ള പരിശീലനം അടുത്ത ദിവസങ്ങളില് നടക്കും. കൂടാതെ പോളിങ് ഉദ്യോഗസ്ഥര്ക്കുള്ള രണ്ടാംഘട്ട പരിശീലനവും അടുത്ത ദിവസങ്ങളിലായി നടക്കും. സെക്ടര് ഓഫീസര്മാരുടേയും സെക്ടര് മജിസ്ട്രേറ്റുമാരുടേയും നിയമനം നടന്നുകഴിഞ്ഞു. മാതൃകാ പെരുമാറ്റ ചട്ടം നടപ്പിലാക്കുന്നതിന്റെ ഭാഗമായി വിവിധ സ്ക്വാഡുകളുടെ പ്രവര്ത്തനവും നടന്നുവരികയാണ്.
മണ്ഡലത്തിലേക്കാവശ്യമായ വോട്ടിംഗ് മെഷീനുകള് എത്തിച്ചു കഴിഞ്ഞു. മെഷീന് സൂക്ഷിപ്പിനായി സ്ട്രോംഗ് റൂം സജീകരിച്ചത് പയ്യന്നൂര് ബോയ്സ് ഹൈസ്കൂളിലാണ്. പയ്യന്നൂര് ഭൂരേഖാ തഹസില്ദാര് ടി. മുരളിയുടെ നേതൃത്വത്തിലാണ് സ്ട്രോംഗ് റൂം സജീകരിച്ചിട്ടുള്ളത്. വോട്ടര്മാര്ക്കുള്ള ബോധവത്ക്കരണ പരിപാടിയുടെ പ്രവര്ത്തനവും നടന്നുവരുന്നു.വിവിധ കോളജ് കാമ്ബസുകളും കോളനികളും കേന്ദ്രീകരിച്ച് നവ വോട്ടര്മാര്ക്ക് വേണ്ടി നടത്തുന്ന ബോധവത്കരണ പ്രവര്ത്തനത്തിന് നോഡല് ഓഫീസര് കെ.കെ. ശശിയുടെ നേതൃത്വത്തിലാണ് നടത്തുന്നത്.
തെരഞ്ഞെടുപ്പുമായി ബന്ധപ്പെട്ട് പയ്യന്നൂര് നിയമസഭാ മണ്ഡലത്തിലെ വിവിധ രാഷ്ട്രീയ പാര്ട്ടി പ്രതിനിധികളുടേയും സ്ഥാനാനാര്ഥി പ്രതിനിധികളുടേയും യോഗം വിളിച്ചുചേര്ത്തു. പയ്യന്നൂര് താലൂക്ക് ഓഫീസ് കോണ്ഫറന്സ് ഹാളില് ചേര്ന്ന യോഗത്തില് തെരഞ്ഞെടുപ്പ് ഒരുക്കങ്ങള് സംബന്ധിച്ചും രാഷ്ട്രീയ പാര്ട്ടികള് പാലിക്കേണ്ട മാതൃകാ പെരുമാറ്റച്ചട്ടങ്ങള് സംബന്ധിച്ചും വരണാധികാരി കെ.ഹിമ വിശദീകരിച്ചു. യോഗത്തില് തെരഞ്ഞെടുപ്പ് നിരീക്ഷകന് നിരിഞ്ചന് കുമാര് ഐഎഎസ്, പയ്യന്നൂര് തഹസില്ദാര് കെ.ബാലഗോപാലന്, പയ്യന്നൂര് ഡിവൈഎസ്പി എം.സുനില്കുമാര്, അസി. ബിഡിഒ ഉല്ലാസന് എന്നിവരും പങ്കെടുത്തു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു