മട്ടന്നൂര്: കണ്ണൂര് രാജ്യാന്തര വിമാനത്താവളം വഴി ഒളിപ്പിച്ചു കടത്തുകയായിരുന്ന 44 ലക്ഷത്തിന്റെ സ്വര്ണം കസ്റ്റംസ് പിടികൂടി. ഇന്നലെ രാത്രി ഷാര്ജയില്നിന്ന് ഗോഏയര് വിമാനത്തിലെത്തിയ
കോഴിക്കോട് കക്കോടി സ്വദേശി എ.പി.ആഷിക്കില്നിന്നാണ് 972 ഗ്രാം സ്വര്ണം പിടികൂടിയത്.
കസ്റ്റംസ് ചെക്ക് ഇന് പരിശോധനയിലാണ് സ്വര്ണം കണ്ടെത്തിയത്. പേസ്റ്റ് രൂപത്തിലാക്കിയ സ്വര്ണം ഗുളിക മാതൃകയിലാക്കി മലദ്വാരത്തില് ഒളിപ്പിച്ചുവച്ച നിലയിലായിരുന്നു. കസ്റ്റംസ് അസി. കമ്മീഷണര് ഇ. വികാസ്, സൂപ്രണ്ടുമാരായ എന്.സിപ്രശാന്ത്, ജ്യോതിലക്ഷ്മി, ഇന്സ്പെക്ടര്മാരായ പ്രകാശന് കൂടപ്പുറം, യുഗല്കുമാര്, മനീഷ് ഖട്ടാന, ജുബര് ഖാന്, ഗുര്മിത്ത് സിംഗ്, ഹവില്ദാര് സി.വി. ശശീന്ദ്രന് എന്നിവരുടെ നേതൃത്വത്തിലാണ് പരിശോധന നടത്തിയത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു