മനാമ: ബാക്കിയാകുന്ന ഭക്ഷണം പാഴാക്കിക്കളയുന്നത് ഒഴിവാക്കുന്ന പദ്ധതിയുടെ ഭാഗമായി കാരിഫോര്‍ ബഹ്റൈന്‍ സമാഹരിച്ച്‌ നല്‍കിയത് 44,210 ഭക്ഷണപ്പൊതികള്‍. 44 ടണ്ണോളം വരുന്ന ഭക്ഷണമാണ് ഇങ്ങനെ നല്‍കിയത്. ബഹ്റൈനിലെ ആദ്യത്തെ സ്പെഷലൈസ്ഡ് ഫുഡ്ബാങ്കായ കണ്‍സേര്‍വിങ് ബൗണ്ടീസ് സൊസൈറ്റിക്കാണ് ഭക്ഷണപ്പൊതികള്‍ കൈമാറിയത്.
ഭക്ഷണം പാഴാക്കുന്നതിനെതിരായ സന്ദേശവുമായി പ്രവര്‍ത്തിക്കുന്ന ഇൗ സംഘടന ഭക്ഷ്യ സുരക്ഷയെക്കുറിച്ച്‌ ബോധവത്കരണം നടത്തുകയും ആവശ്യമായവര്‍ക്ക് ഭക്ഷണം എത്തിച്ചുനല്‍കുകയും ചെയ്യുന്നുണ്ട്.കാരിഫോര്‍ സമാഹരിക്കുന്ന ഭക്ഷണം ഫുഡ് ബാങ്കിന് നല്‍കുകയാണ് ചെയ്യുക. തുടര്‍ന്ന് ഇത് ആവശ്യക്കാര്‍ക്ക് വിതരണം ചെയ്യും. കാരിഫോര്‍ സിറ്റി സെന്‍റര്‍, കാരിഫോര്‍ എന്‍മ മാള്‍, കാരിഫോര്‍ ജവാദ് ഡോം ബാര്‍ബാര്‍ എന്നിവ ഇൗ സംരംഭത്തില്‍ സഹകരിച്ചു. ഇത്തരമൊരു മഹത്തായ സദ്കര്‍മത്തില്‍ പങ്കാളിയാകാന്‍ കഴിഞ്ഞതില്‍ സന്തോഷമുണ്ടെന്ന് കാരിഫോര്‍ ബഹ്റൈന്‍ കണ്‍ട്രി മാനേജര്‍ ജെറോം അക്കെല്‍ പറഞ്ഞു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു