20,000ലധികം ഡ്രൈവര്‍മാരാണ് കോവിഡ് വാക്സിന് പൂര്‍ണമായി സ്വീകരിച്ചിരിക്കുന്നത്. ആര്‍.ടി.എയുടെ വിവിധ ഏജന്‍സികളിലെയും മേഖലകളിലെയും മുന്‍‌നിര പ്രവര്‍ത്തകരെയും ജീവനക്കാരെയും ലക്ഷ്യമിട്ട് സംഘടിപ്പിക്കുന്ന വാക്സിനേഷന്‍ ഡ്രൈവ് മികച്ച നിലയില്‍ മുന്നേറുകയാണെന്ന് ആര്‍.ടി.എ അറിയിച്ചു.സ്‌പെഷലിസ്റ്റ് ആരോഗ്യകേന്ദ്രങ്ങളില്‍ നല്‍കിയിട്ടുള്ള വാക്സിന് ഷോട്ടുകള്‍ എടുക്കാന്‍ ജീവനക്കാരെ അറിയിക്കുകയും പ്രോത്സാഹിപ്പിക്കുകയും ചെയ്തുകൊണ്ടാണ് ആര്‍.ടി.എ പ്രചാരണത്തിന് തുടക്കംകുറിച്ചതെന്ന് ആര്‍.ടി.എയിലെ കോര്‍പറേറ്റ് ഗവേണന്‍സ് സെക്ടര്‍ ഡയറക്ടര്‍ നാഡാ ജാസിം പറഞ്ഞു. ദുബൈ ഹെല്‍ത്ത് അതോറിറ്റി (ഡി.എച്ച്‌.എ), ആരോഗ്യമേഖലയിലെ വിദഗ്ധര്‍ എന്നിവരുമായി സഹകരിച്ച്‌ ആര്‍.ടി.എ രണ്ട് ആഭ്യന്തരകേന്ദ്രങ്ങള്‍ തയാറാക്കിയാണ് വാക്സിനേഷന്‍ പ്രവര്‍ത്തനങ്ങള്‍ ശക്തിപ്പെടുത്തിയത്.
ദുബൈയില്‍ സര്‍വിസ് നടത്തുന്ന ടാക്സി, ബസ് ഡ്രൈവര്‍മാര്‍ക്ക് മാത്രമായി ഒരു കേന്ദ്രമൊരുക്കിയപ്പോള്‍ ആര്‍.ടി.എ ജീവനക്കാര്‍ക്കുവേണ്ടി മറ്റൊരു വാക്സിനേഷന്‍ സെന്‍ററും സജ്ജമാക്കി. ഡ്രൈവര്‍മാര്‍, ഫ്രണ്ട് എന്‍ഡ് സ്റ്റാഫ്, മെട്രോ, ട്രാം ഓപറേറ്റര്‍മാര്‍, പാര്‍ക്കിങ് ഇന്‍സ്പെക്ടര്‍മാര്‍, മറ്റു ജീവനക്കാര്‍, അവരുടെ താല്‍പര്യമുള്ള കുടുംബാംഗങ്ങള്‍ എന്നിവരുള്‍പ്പെടെ 40,000ഓളം പേര്‍ക്കാണ് ഇതിനകം ആര്‍.ടി.എയുടെ നേതൃത്വത്തില്‍ വാക്സിന് നല്‍കിയത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു