ഇക്കഴിഞ്ഞ ഞായറാഴ്ച ഉമ്മ റുക്സാനയോടൊപ്പം ഒരു കല്യാണത്തിന് പോയി തിരിച്ച്‌ വീട്ടിലേക്ക് വരും വഴിയാണ് സയാന്റെ ശ്രദ്ധയില്‍, ചേറ്റം കുന്ന് ജംഗ്ഷനില്‍ വെച്ച്‌ ബാഗ് ശ്രദ്ധയില്‍ പെട്ടത്. ആദ്യം ഒരു കടക്കാരനെ ഏല്‍പ്പിക്കുകയും പിന്നീട്, ഉമ്മ റുക്സാന ജനമൈത്രി പൊലീസുമായി ബന്ധപ്പെട്ട് പൊലീസിനെ ഏല്‍പ്പിക്കുകയും, തുടര്‍ന്ന് പന്ന്യന്നൂരിലുള്ള ഉടമസ്ഥര്‍ക്ക് തിരിച്ചേല്‍പ്പിക്കുകയുമായിരുന്നു.സ്‌കൂള്‍ പി.ടി.എയുടെ ആഭിമുഖ്യത്തില്‍ മുഹമ്മദ് സയാനെ അനുമോദിച്ചു. സ്‌കൂള്‍ അങ്കണത്തില്‍ സംഘടിപ്പിച്ച അനുമോദന ചടങ്ങില്‍ പി.ടി.എ പ്രസിഡന്റ് കെ.വി. ഗോകുല്‍ദാസ് അദ്ധ്യക്ഷത വഹിച്ചു. സ്‌കൂള്‍ ലോക്കല്‍ മാനേജര്‍ ഫാദര്‍ ബിനു ക്ലീറ്റസ് ഉപഹാരം നല്‍കി. പ്രിന്‍സിപ്പാള്‍ ഡെന്നി ജോണ്‍ ഹാരാര്‍പ്പണം നടത്തി. പ്രധാനാദ്ധ്യാപകന്‍ സി.ആര്‍. ജെന്‍സണ്‍, മദര്‍.പി.ടി.എ. പ്രസിഡന്റ് രുഗ്മിണി ഭാസ്‌കരന്‍, സ്റ്റാഫ് സെക്രട്ടറി ഫിലോമിനാ ജോര്‍ജ്ജ് തുടങ്ങിയവര്‍ സംസാരിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു