കണ്ണൂര്: കണ്ണൂര് പോലീസ് അസിസ്റ്റന്റ് കമ്മീഷണറുടെ ഓഫീസിലെ 11 പേര്ക്കു കോവിഡ് സ്ഥിരീകരിച്ചു. എസിപിയുടെ രണ്ടു ഡ്രൈവര്മാര്, ഒരു ഗണ്മാന്, എഎസ്ഐ ഉള്പ്പെടെയുള്ള എട്ടു പോലീസുകാര് എന്നിവര്ക്കാണ് കോവിഡ് പോസിറ്റീവായത്. എസിപി ഓഫീസിനു തൊട്ടുതാഴെയുള്ള വനിതാ പോലീസ് സെല്ലിലെ ചിലര്ക്ക് പനി റിപ്പോര്ട്ട് ചെയ്തിട്ടുണ്ട്. പ്രതിരോധ വാക്സിന് എടുത്തവരിലാണ് കോവിഡ് സ്ഥിരീകരിച്ചിരിക്കുന്നത്. എന്നാല് ഇതു സംബന്ധിച്ച് ആരോഗ്യവകുപ്പ് സ്ഥിരീകരണം നടത്തിയിട്ടില്ല.
182 പേര്ക്കുകൂടി കോവിഡ്
ജില്ലയില് ഇന്നലെ 182 പേര്ക്ക് കൂടി കോവിഡ് പോസിറ്റീവായി.സമ്ബര്ക്കത്തിലൂടെ 168 പേര്ക്കും ഇതരസംസ്ഥാനത്ത് നിന്നെത്തിയ ഏഴ് പേര്ക്കും വിദേശത്തു നിന്നെത്തിയ അഞ്ച് പേര്ക്കും ആരോഗ്യപ്രവര്ത്തകരായ രണ്ട് പേര്ക്കുമാണ് കോവിഡ് സ്ഥിരീകരിച്ചത്. ഇതോടെ ജില്ലയില് ഇതുവരെ റിപ്പോര്ട്ട് ചെയ്യപ്പെട്ട കോവിഡ് പോസിറ്റീവ് കേസുകള് 56,864 ആയി. നിലവില് 1,784 പേര് വീടുകളിലും ബാക്കി 14 പേര് വിവിധ ആശുപത്രികളിലും സിഎഫ്എല്ടിസികളിലുമായി ചികിത്സയില് കഴിയുന്നുണ്ട്. 11,550 പേര് നിരീക്ഷണത്തിലാണ്.
0ഇതുവരെ 6,57,180 സാന്പിളുകള് പരിശോധനയ്ക്ക് അയച്ചതില് 6,56,671 എണ്ണത്തിന്റെ ഫലം വന്നു. 509 എണ്ണത്തിന്റെ ഫലം ലഭിക്കാനുണ്ട്. ഇന്നലെ 212 പേര് രോഗമുക്തി നേടി. ഇതിനകം രോഗം ഭേദമായവരുടെ എണ്ണം 54,217 ആയി. 310 പേര് കോവിഡ് മൂലം മരിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു