വാഷിംഗ്ടണ് ഡിസി: ലോകത്തെ കോവിഡ് ബാധിതരുടെ എണ്ണം 11.70 കോടിയും കടന്ന് മുന്നോട്ട്. 117,066,148 പേര്ക്കാണ് ലോകത്ത് ഇതുവരെ കോവിഡ് ബാധിച്ചത്. 2,599,172 പേര് ഇതുവരെ വൈറസ് ബാധിതരായി മരണത്തിനു കീഴടങ്ങി. 92,643,083 പേര് ഇതുവരെ രോഗമുക്തി നേടിയെന്നും കണക്കുകള് വ്യക്തമാക്കുന്നു.
വേള്ഡോ മീറ്ററും ജോണ്സ് ഹോപ്കിന്സ് സര്വകലാശാലയും ചേര്ന്ന് പുറത്ത് വിട്ട കണക്കുകള് പ്രകാരമാണിത്. കഴിഞ്ഞ 24 മണിക്കൂറിനിടെ 403,404 പേര്ക്കാണ് കോവിഡ് ബാധിച്ചത്. ഇതേ സമയത്ത് 7,672 പേര് കോവിഡ് ബാധയേത്തുടര്ന്ന് മരണമടയുകയും ചെയ്തു.
നിലവില് 21,823,893 പേര് വൈറസ് ബാധിതരായി ചികിത്സയിലുണ്ടെന്നാണ് വിവരം. ഇതില് 89,494 പേരുടെ നില അതീവ ഗുരുതരമാണ്. ആഗോള തലത്തില് 21 രാജ്യങ്ങളില് ഒരു ലക്ഷത്തിനു മുകളില് ആളുകളെ കോവിഡ് ബാധിച്ചെന്നും കണക്കുകള് വ്യക്തമാക്കുന്നു.
അമേരിക്ക, ഇന്ത്യ, ബ്രസീല്, റഷ്യ, ബ്രിട്ടന്, ഫ്രാന്സ്, സ്പെയിന്, ഇറ്റലി, തുര്ക്കി, ജര്മനി, കൊളംബിയ, അര്ജന്റീന, മെക്സിക്കോ, പോളണ്ട്, ഇറാന് എന്നീ രാജ്യങ്ങളാണ് കോവിഡ് ബാധിതരുടെ എണ്ണത്തില് ആദ്യ 15ല് ഉള്ളത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു