ശക്തമായ കാറ്റും മഴയും; ഉളിക്കൽ പഞ്ചായത്തിലെ മുണ്ടാനൂരിൽ വ്യാപക നാശനഷ്ടം

അപ്രതീക്ഷിതമായി ഇന്ന് ഉച്ചകഴിഞ്ഞ് ഉണ്ടായ ശക്തമായ മഴയിൽ ഉളിക്കൽ പഞ്ചായത്തിലെ മുണ്ടാനൂരിൽ വ്യാപക നാശനഷ്ടം.

മഴയോടൊപ്പം ഉണ്ടായ ശക്തമായ കാറ്റിനെ തുടർന്ന് വിവിധയിടങ്ങളിൽ മരങ്ങൾ കടപുഴകി വീണു. ഇവിടെ വാഹനങ്ങൾക്കും, വീടുകൾക്കും, വൈദ്യുതി പോസ്റ്റുകൾക്കും വലിയ തകരാറുകൾ സംഭവിച്ചിട്ടുണ്ട്. തെങ്ങ് കടപുഴകി വീണ് ഒരു കാറിന്റെ മേൽഭാഗം പൂർണ്ണമായും തകർന്ന നിലയിലാണ്.

ശക്തമായ കാറ്റിനെ തുടർന്ന് വിവിധയിടങ്ങളിൽ വൈദ്യുതി പോസ്റ്റുകളും തകർന്നിട്ടുണ്ട്. ഇതോടെ ഉളിക്കൽ പഞ്ചായത്തിലെ പലഭാഗത്തും വൈദ്യുതിവിതരണം തടസ്സപ്പെട്ടിരിക്കുകയാണ്.