വെള്ളരിക്കുണ്ട്: എട്ടും ആറും വയസുള്ള കുട്ടികളെ മദ്യലഹരിയിൽ വെട്ടിപ്പരിക്കേൽപ്പിച്ച കേസിൽ അച്ഛൻ അറസ്റ്റിൽ. കൊന്നക്കാട് മൈക്കയത്തെ സജിത്തി(44)നെയാണ് സിഐ പ്രേംസദന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. വ്യാഴാഴ്ച ഉച്ചയോടെയായിരുന്നു സംഭവം. മദ്യലഹരിയിൽ വീട്ടിലെത്തിയ സജിത്ത് രണ്ടു കുട്ടികളെയും വാക്കത്തികൊണ്ട് വെട്ടുകയായിരുന്നു. മൂന്നാംക്ലാസിൽ പഠിക്കുന്ന ആൺകുട്ടിയുടെ ചെവിക്കും ഒന്നാം ക്ലാസിൽ പഠിക്കുന്ന പെൺകുട്ടിയുടെ കഴുത്തിനു പുറകിലുമാണ് വെട്ടേറ്റത്. ഇരുവരും മംഗളൂരുവിലെ ആശുപത്രിയിൽ ചികിത്സയിലാണ്. വധശ്രമം, കുട്ടികൾക്കുനേരേയുള്ള അതിക്രമം, ശാരീരികമായും മാനസികമായും പീഡിപ്പിക്കൽ തുടങ്ങിയ വകുപ്പുകൾ ചേർത്താണ് സജിത്തിനെതിരേ കേസെടുത്തത്. ഹൊസ്ദുർഗ് ജുഡീഷൽ ഒന്നാംക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ രണ്ടാഴ്ചത്തേക്ക് റിമാൻഡ് ചെയ്തു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു