വെള്ളരിക്കുണ്ട്: ഇന്‍സ്‌പെക്ടര്‍ സിബി തോമസിനും ബേക്കല്‍ തീരദേശ പോലീസ് സ്‌റ്റേഷനിലെ ഉദ്യോഗസ്ഥര്ക്കും ഡിജിപിയുടെ ബാഡ്ജ് ഓഫ് ഓണര്‍. കഴിഞ്ഞ വര്‍ഷം ഭക്ഷ്യവിഷബാധയെ തുടര്‍ന്ന് ഗുരുതരാവസ്ഥയില്‍ കടലില്‍ കുടുങ്ങിയ എട്ട് മത്സ്യത്തൊഴിലാളികളുടെ ജീവന്‍ രക്ഷിച്ചതിനാണ് ബഹുമതി ലഭിച്ചത്.
സിബി തോമസിന് ഇത് രണ്ടാം തവണയാണ് ബാഡ്ജ് ഓഫ് ഓണര്‍ ലഭിക്കുന്നത്. 2014 ല്‍ ഉപ്പളയില്‍ നടന്ന കൊലപാതകക്കേസിലെ പ്രതിയെ അതിസാഹസികമായി മുംബൈയിലെത്തി അറസ്റ്റ് ചെയ്തതിനായിരുന്നു ആദ്യത്തെ ബഹുമതി. ബളാല്‍ പഞ്ചായത്തിലെ ചുള്ളി സ്വദേശിയായ സിബി തോമസ് “തൊണ്ടിമുതലും ദൃക്‌സാക്ഷിയും’ ഉള്‍പ്പെടെ നിരവധി സിനിമകളില്‍ അഭിനയിച്ച് പ്രശംസ നേടിയിട്ടുണ്ട്. ഇപ്പോള്‍ കാസര്‍ഗോഡ് വിജിലന്‍സ് സിഐ ആയി സേവനമനുഷ്ഠിക്കുന്നു
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു