കേരളത്തില്‍ മേയ് ആദ്യം നിയമസഭ തെരഞ്ഞെടുപ്പു നടക്കും. മുഖ്യ തെരഞ്ഞെടുപ്പ് ഓഫീസര്‍ ടിക്കാറാം മീണയാണ് ഇക്കാര്യം അറിയിച്ചത്. രണ്ടു ഘട്ടമായിട്ടായിരിക്കും തെരഞ്ഞെടുപ്പ്.
മേയ് 31- നകം ഫലം പ്രഖ്യാപിച്ചു തെരഞ്ഞെടുപ്പു നടപടികള്‍ പൂര്‍ത്തിയാക്കും.
80 വയസ്സിനു മേല്‍ പ്രായമുള്ളവര്‍ക്കും ഭിന്നശേഷിക്കാര്‍ക്കും തപാല്‍ വോട്ടിന് അനുമതി നല്‍കും. മാര്‍ച്ചില്‍ തിരഞ്ഞെടുപ്പ് പ്രഖ്യാപനം വന്നേക്കും. ജൂണ്‍ ഒന്നിനു മുന്‍പാണ് പുതിയ സര്‍ക്കാര്‍ ചുമതലയേല്‍ക്കേണ്ടത്.
കേരളത്തിനൊപ്പം തമിഴ്നാട്, അസം, ബംഗാള്‍, പുതുച്ചേരി എന്നിവിടങ്ങളില്‍ കൂടി തിരഞ്ഞെടുപ്പ് നടക്കും. കോവിഡ് രോഗികള്‍ക്കും ക്വാറന്റീനില്‍ കഴിയുന്നവര്‍ക്കും നേരിട്ടെത്തിയോ തപാല്‍ മുഖേനയോ വോട്ടുചെയ്യാന്‍ സൗകര്യമുണ്ടാകും. എന്നാല്‍, തദ്ദേശ തിരഞ്ഞെടുപ്പിലേതു പോലെ ഏതു രീതിയിലാണ് വോട്ടുചെയ്യാന്‍ ആഗ്രഹിക്കുന്നതെന്ന് ഇവര്‍ മുന്‍കൂട്ടി അറിയിക്കണം.
കഴിഞ്ഞ തവണത്തേക്കാള്‍ 15000 പോളിംഗ് സ്റ്റേഷനുകള്‍ അധികമുണ്ടാകും. ഒറ്റഘട്ടമായി നടത്തിയാല്‍ ഉദ്യോഗസ്ഥ വിന്യാസം ബുദ്ധിമുട്ടുണ്ടാക്കുമെന്നും മുഖ്യതെരഞ്ഞെടുപ്പ് ഓഫീസര്‍ അറിയിച്ചു.
കോവിഡ് രോഗികള്‍ പോസ്റ്റല്‍ വോട്ട് ഏര്‍പ്പെടുത്തുന്നതു പരിഗണനയിലുണ്ട്. അന്തിമ വോട്ടര്‍ പട്ടിക ജനുവരി ആദ്യം പ്രസിദ്ധീകരിക്കും. ഡിസംബര്‍ 31- നുശേഷം അപേക്ഷ നല്‍കുന്നവര്‍ക്ക് വേണ്ടി സപ്ലിമെന്‍ററി പട്ടിക പിന്നീട് പ്രസിദ്ധീകരിക്കുമെന്നും മീണ പറഞ്ഞു
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു