ലിഫ്റ്റിൽ കുടുങ്ങിയ അധ്യാപികയെ അഗ്നിരക്ഷാസേന രക്ഷിച്ചു - കണ്ണൂരാൻ വാർത്ത

സ്ലൈഡ് ആഡ്

സ്ലൈഡ് ആഡ്

Monday, 28 September 2020

ലിഫ്റ്റിൽ കുടുങ്ങിയ അധ്യാപികയെ അഗ്നിരക്ഷാസേന രക്ഷിച്ചു

28Sep2020• പള്ളിക്കുളം നെസ്റ്റ് അപ്പാർട്ട്‌മെന്റിലെ ലിഫ്റ്റിൽ കുടുങ്ങിയ അധ്യാപികയെ അഗ്നിരക്ഷാസേന രക്ഷിക്കുന്നു

കണ്ണൂർ: 45 മിനുട്ടോളം ലിഫ്റ്റിൽ കുടുങ്ങി ശ്വാസംമുട്ടി അവശയായ അധ്യാപികയെ അഗ്നിരക്ഷാസേനയെത്തി രക്ഷിച്ചു. പള്ളിക്കുളത്തെ നെസ്റ്റ് അപ്പാർട്ട്‌മെന്റിൽ താമസിക്കുന്ന പാപ്പിനിശ്ശേരി ഇ.എം.എസ്. സ്മാരക ഗവ. ഹയർ സെക്കൻഡറി സ്കൂൾ അധ്യാപിക സന്ധ്യ ശശികുമാറാണ് ലിഫ്റ്റിൽ കുടുങ്ങിയത്. ബന്ധുക്കൾ വിവരമിയിച്ചതിനെത്തുടർന്ന് അഗ്നിരക്ഷാസേനയെത്തിയാണ്‌ ഹൈഡ്രോളിക് കട്ടറുപയോഗിച്ച് മുറിച്ചശേഷം അവരെ രക്ഷപ്പെടുത്തിയത്. മുൻപും ഈ ലിഫ്റ്റ് പ്രവർത്തിക്കാതായിട്ടുണ്ടെന്ന് പരാതിയുണ്ട്.

ലിഫ്റ്റ് നിന്ന ഉടനെ കറണ്ടും പോയി. ചൂടും ഇരുട്ടുമായി. ശ്വാസംമുട്ടൽ കൂടിയായപ്പോൾ വല്ലാതെ ഭയന്നു. ഭാഗ്യത്തിന് പുറത്തേക്ക് വിളിക്കാൻ പറ്റി. സഹോദരനെ വിളിച്ച്‌ വിവരം പറഞ്ഞു. അങ്ങനെയാണ് അഗ്നിരക്ഷാസേനയെത്തിയത് -സന്ധ്യ ശശികുമാർ പറഞ്ഞു. വളപട്ടണം പോലീസും സ്ഥലത്തെത്തി. ഇരിണാവ് സ്വദേശിയായ ഇവർ മൂന്നുകൊല്ലമായി നെസ്റ്റ് അപ്പാർട്ട്‌മെന്റിൽ താമസിക്കുന്നു.

സ്റ്റേഷൻ ഓഫീസർ ഇ.ഉണ്ണികൃഷ്ണന്റെ നേതൃത്വത്തിൽ സീനിയർ ഫയർ റെസ്ക്യൂ ഓഫീസർ കെ.കെ.ദിലീഷ്, പി.റിജു, സുനീഷ് എന്നിവരുൾപ്പെട്ട സംഘമാണ് രക്ഷാപ്രവർത്തനത്തിനെത്തിയത്.


No comments:

Post a comment

താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു

Post Top Ad

LightBlog