ദില്ലി: കൊവിഡ് ലോക്ക്ഡൗണ് ഇളവ് അനുവദിക്കുന്ന അഞ്ചാം ഘട്ടത്തില് തിയേറ്ററുകള് തുറക്കാന് അനുവാദം. ഒക്ടോബര് 15 മുതല് 50 ശതമാനം സീറ്റ് കപ്പാസിറ്റിയോടെ തിയേറ്ററുകള് തുറക്കാമെന്നാണ് കേന്ദ്രസര്ക്കാര് വ്യക്തമാക്കിയിരിക്കുന്നത്. ഇതിനായി പാലിക്കേണ്ട നടപടി ക്രമങ്ങള് കേന്ദ്രസര്ക്കാര് പിന്നീട് വ്യക്തമാക്കും. സ്വിമ്മിങ് പൂളുകളും തുറക്കാന് അനുമതി നല്കുന്നുണ്ട്.
സ്കൂളുകളും കോളേജുകളും തുറക്കുന്ന കാര്യത്തിലും തീരുമാനം ഉണ്ടാകും. ഇത് ഘട്ടംഘട്ടമായി നടപ്പിലാക്കാനാണ് കേന്ദ്രസര്ക്കാരിന്റെ തീരുമാനം. സ്കൂളുകളുമായി ചര്ച്ച നടത്തി തീരുമാനിക്കണമെന്നാണ് നിര്ദ്ദേശിച്ചിരിക്കുന്നത്. ഓണ്ലൈന് തുടരാന് ആഗ്രഹിക്കുന്നവര്ക്ക് അതിന് അനുമതി നല്കണം.
കൂട്ടായ്മകള്ക്ക് പരമാവധി നൂറു പേര് എന്ന നിയന്ത്രണത്തില് ഇളവ് നല്കിയിട്ടുണ്ട്. അടച്ചിട്ട ഹാളുകളില് 200 പരെ വരെ അനുവദിച്ചു. തുറന്ന ഗ്രൗണ്ടുകളില് കൂടുതല് പേരെ അനുവദിക്കും. കേന്ദ്ര ആഭ്യന്തര മന്ത്രാലയമാണ് ഇക്കാര്യം അറിയിച്ചിരിക്കുന്നത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു