ന്യൂഡല്‍ഹി: ഡല്‍ഹിയില്‍ കലാപം പൊട്ടിപ്പുറപ്പെട്ടതിനു ശേഷം നീണ്ട നിശബ്ദതയ്‌ക്കൊടുവില്‍ പ്രതികരിക്കാന്‍ തയാറായ പ്രധാനമന്ത്രി നരേന്ദ്രമോഡിയെ പരിഹസിച്ച് കോണ്‍ഗ്രസ്് മുതിര്‍ന്ന നേതാവ് കപില്‍ സിബല്‍. ട്വിറ്ററിലൂടെയാണ് കപില്‍ സിബലിന്റെ അതിരൂക്ഷ പരിഹാസം. അതിവേഗ പ്രതികരണം... എന്ന കുറിപ്പോടെയാണ് സിബലിന്റെ ട്വീറ്റ് ആരംഭിക്കുന്നത്.
69 മണിക്കൂര്‍ നീണ്ട നിശബ്ദതയ്‌ക്കൊടുവില്‍ നമ്മുടെ സഹോദരന്മാരോടും സഹോദരിമാരോടും സംസാരിക്കാന്‍ തയാറായതിന് നന്ദിയുണ്ട് മോഡിജി. ഈ സമയത്തിനിടെ 38 പേര്‍ മരിച്ചു, 200 പേര്‍ക്ക് പരിക്കേറ്റു, ആയിരക്കണക്കിനാളുകള്‍ ഭീതിയിലാണ്.. പൊതുമുതല്‍ നശിപ്പിക്കപ്പെട്ടു.. നമ്മുടെ മുഖ്യമന്ത്രി പ്രാര്‍ത്ഥിച്ചു. നിങ്ങളുടെ മന്ത്രിമാര്‍ കോണ്‍ഗ്രസിനെ പഴിചാരുന്നു..' എന്നിങ്ങനെയായിരുന്നു കപില്‍ സിബലിന്റെ ട്വീറ്റ്.
Speedy response !Thank you Modiji for making an appeal to our brothers and sisters after 69hours of silence . In the meantime :38 dead , still countingOver 200 injured Thousands scarred Properties destroyed As for our CM He prayed !And your minister blames Congress— Kapil Sibal (@KapilSibal) February 28, 2020
ഡല്‍ഹി കലാപം കേന്ദ്രസര്‍ക്കാര്‍ കൈകാര്യം ചെയ്ത രീതിയ്‌ക്കെതിരെ വ്യാപക പ്രതിഷേധമാണ് ഉയര്‍ന്നത്. സംഘര്‍ഷം പൊട്ടിപ്പുറപ്പെടുമ്പോള്‍ അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന് അഹമ്മദാബാദിലൊരുക്കിയ സ്വീകരണത്തില്‍ പങ്കെടുക്കുകയായിരുന്നു മോഡി. ബുധനാഴ്ച വൈകിട്ടാണ് സമാധാനവും സാഹോദര്യവും നിലനിര്‍ത്താന്‍ ഡല്‍ഹി ജനതയോട് ആവശ്യപ്പെട്ട് മോഡി ട്വീറ്റ് ചെയ്യുന്നത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു