കൊച്ചി: ധനുമാസക്കുളിരിന്റെ മാസത്തിലും മാറാതെ തുലാമഴ. ഡിസംബര്‍ മധ്യത്തോടെ ദുര്‍ബലമായ തുലാവര്‍ഷം മാസാന്ത്യത്തില്‍ വീണ്ടും പെയ്യുകയാണ്‌. ഇന്നലെ സംസ്‌ഥാനത്ത്‌ പലയിടങ്ങളിലൂം മികച്ച മഴ ലഭിച്ചു. കഴിഞ്ഞ ഒന്‍പതുമാസമായി മഴ തുടരുകയാണ്‌.
ഒക്‌ടോബര്‍ ഒന്നുമുതല്‍ ഇതുവരെ 30 ശതമാനം അധിക തുലാവര്‍ഷമാണ്‌ സംസ്‌ഥാനത്ത്‌ പെയ്‌തത്‌. ഇക്കാലയളവില്‍ ലഭിക്കേണ്ടത്‌ 488 മില്ലീ മീറ്റര്‍ മഴയായിരുന്നു. എന്നാല്‍, രേഖപ്പെടുത്തിയത്‌ 635 മില്ലീ മീറ്റര്‍ മഴ. 30 ശതമാനം അധികമഴ.
തിരുവനന്തപുരം, കൊല്ലം, ഇടുക്കി ജില്ലകളില്‍ സീസണില്‍ പ്രതീക്ഷിച്ച മഴയാണ്‌ ലഭിച്ചത്‌. മറ്റു ജില്ലകളിലും ലഭിക്കേണ്ടതിന്റെ പല മടങ്ങ്‌ അധികമഴയും കിട്ടി. കാസര്‍ഗോഡ്‌ ജില്ലയില്‍ 88 ശതമാനമാണ്‌ അധികമഴ രേഖപ്പെടുത്തിയത്‌. പിന്നാലെ കണ്ണൂര്‍ (68 ശതമാനം), എറണാകുളം (62 ശതമാനം) എന്നിവിടങ്ങളില്‍ അധിക മഴ ലഭിച്ചു. മറ്റു ജില്ലകളിലും പ്രതീക്ഷിച്ചതില്‍ കൂടുതല്‍ മഴ ലഭിച്ചു. മണ്‍സൂണും തുലാവര്‍ഷവും ചേര്‍ന്നുള്ള ഏഴുമാസ മഴയ്‌ക്കു പുറമേ എപ്രില്‍, മേയ്‌ മാസങ്ങളിലും മഴയുണ്ടായിരുന്നു. അതായത്‌ കഴിഞ്ഞ ഒന്‍പത്‌ മാസവും മഴക്കാലത്തിന്റെ പിടിയിലായിരുന്നു സംസ്‌ഥാനം.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു