തളിപ്പറമ്പ് കടമ്പേരിയിൽ ഭർത്താവിന്റെ വെട്ടേറ്റ് ഭാര്യക്ക് ഗുരുതര പരിക്ക്

തളിപ്പറമ്പ്: ഭർത്താവിന്റെ വെട്ടേറ്റ് ഭാര്യക്ക് ഗുരുതരം. കടമ്പേരിയിലെ രേഷ്മയെയാണ് (35) ഭർത്താവ് സന്തോഷ് വെട്ടിപ്പരിക്കേൽപ്പിച്ചത്.കഴുത്തിന് വെട്ടേറ്റ രേഷ്മയെ കണ്ണൂർ എ കെ ജി ആശുപത്രിയിൽ പ്രവേശിപ്പിച്ചു. വെള്ളിയാഴ്ച്ച രാത്രി 8 – 15 നാണ് സംഭവം. ഇരുവരും തമ്മിലുള്ള കുടുംബ വഴക്കാണ് കാരണമെന്ന് പോലീസ് പറഞ്ഞു. സന്തോഷിനെ നാട്ടുകാർ പിടികൂടി പോലീസിൽ ഏൽപ്പിച്ചു.ഏതാനും വർഷങ്ങളായി ഇരുവരും വേർപിരിഞ്ഞ് താമസിക്കുകയാണ്._